Fréttir

Af hverju gengur sumum sveitarfélögum betur að nýta auðlindir sínar, laða til sín fólk og skapa ný störf? Þetta var lykilspurningin sem fjallað var um í greiningu Nordregio á aðdráttarafli fjórtán sveitarfélaga á Norðurlöndum. 

Þau fjórtán svæði sem valin voru eru öll skilgreind sem aðlaðandi í þeim skilningi að bæði íbúum og störfum hefur fjölgað undanfarin ár. Í rannsókninni var leitast við að greina staðbundin áhrif á þróun starfa og fjölda íbúa á viðkomandi svæði.  Viðtöl voru tekin þar sem leitað var eftir viðhorfum varðandi þætti sem snúa að atvinnusköpun, lífskjörum í breiðum skilningi o.þ.h. 

Niðurstöðurnar voru birtar í skýrslunni Attractive rural municipalities in the Nordic countries Jobs, people and reasons for success from 14 case studies

Niðurstöður fyrir hvert og eitt svæði voru einnig birtar á sérstöku vefsvæði Rural Attractiveness Project Cases. Þar er hægt að skoða svokallaða "short story" annars vegar þar sem hægt er að sjá meginniðurstöður verkefnisins og síðan "full case study report" þar sem hægt er að lesa um rannsóknina í heild. 

Sveitarfélögin sem voru til skoðunar eru: Alvdal Noregi, Sveitarfélagið Árborg Íslandi, Avannaata Grænlandi, Bornholm Danmörku, Fljótsdalshérað Íslandi, Hjorring Danmörku, Inari Finnlandi, Jomala Álandseyjum, Klaksvík Færeyjum, Lebesby Noregi, Närpes Finnlandi, Oskarshamn Svíþjóð, Piteå Svíþjóð og Vágur Færeyjum.