Fréttir

Verslanir í litlum byggðalögum á Íslandi eru til umfjöllunar í nýrri rannsóknaskýrslu. Lýst er vanda þessara verslana, sem meðal annars felst í óhagstæðum innkaupum, háum flutningskostnaði og áhættu þeirra einstaklinga sem reka þessar verslanir. Einnig eru lagðar fram tillögur að skilvirkum aðgerðum sem ætlað er að styðja þessar verslanir til lengri tíma litið.

Nýtt vefsvæði fyrir mælaborð með byggðatengdum upplýsingum hefur verið opnað. Kortamælaborð um sveitarfélagaskipan, íbúafjölda og húsnæði fyrir störf án staðsetningar hafa verið birt og fleiri mælaborð eru væntanleg. Mælaborðasíðan er aðgengileg gegnum "Mælaborð" takkann á forsíðu vefs Byggðastofnunar og í flipanum "Útgefið efni".

Markmið með starfi NORA (Norræna Atlantssamstarfsins) er að styrkja samstarf á Norður-Atlantshafssvæðinu. Ein leið að því markmiði er að veita verkefnastyrki tvisvar á ári til samstarfsverkefna á milli Íslands og a.m.k. eins annars NORA-lands, þ.e. Grænlands, Færeyja, strandhéraða Noregs. Nú er komið að fyrri úthlutun ársins 2021.

Byggðastofnun auglýsir eftir umsóknum um styrki úr Byggðarannsóknasjóði til rannsókna á sviði byggðamála.

Stjórn Byggðastofnunar ákvað á fundi sínum þann 22. janúar sl. að styrkja fjóra meistaranema sem vinna að lokaverkefnum á sviði byggðamála. Heildarupphæð styrkjanna er ein milljón króna. Veittur er einn styrkur að upphæð 300.000 krónur, tvö verkefni hljóta styrk að fjárhæð 250.000 krónur og eitt að fjárhæð 200.000 krónur.

Byggðastofnun tók þátt í málþinginu „Fólk færir störf“ sem haldið var með rafrænum hætti í síðustu viku á vegum Samtaka sveitarfélaga á Norðurlandi eystra og Akureyrarstofu. Markmið málþingsins var að varpa ljósi á þá auknu möguleika sem felast í störfum án staðsetningar. Sérstaklega var sjónum beint að stefnu ríkisstjórnarinnar um að 10% allra starfa í ráðuneytum og stofnunum ríkisins verði auglýst án staðsetningar árið 2024.

Þann 1. febrúar nk. verður opnað fyrir styrkumsóknir vegna svæðisbundinnar flutningsjöfnunar. Lögbundinn lokafrestur umsókna vegna flutningskostnaðar árið 2020 er 31. mars 2021. Athugið að ekki tekið við umsóknum sem berast eftir þann tíma.

Samgöngu- og sveitarstjórnarráðherra hefur staðfest tillögur valnefndar um verkefnastyrki sem veittir eru á grundvelli stefnumótandi byggðaáætlunar fyrir árin 2018-2024. Að þessu sinni var 12 milljónum króna úthlutað til verslunar í strjálbýli fyrir árið 2021. Samningar vegna styrkjanna verða undirritaðir á næstu dögum.

Uppbyggingasjóður EES: Tækifæri og áskoranir fyrir sveitarfélög og atvinnulíf. Lokuð vinnustofa þriðjudaginn 19. janúar kl.13:00-14:30.