Fréttir

NPA Annual Conference 2020 fer fram miðvikudaginn 23. september kl 10:00 - 14:30. Þemað í ár er Innovation for Smart and Resilient Communities. Fundurinn í ár er rafrænn og því eru engar fjöldatakmarkanir. Opnað hefur verið fyrir skráningar.

Eftirlitsstofnun EFTA, ESA, hefur ákveðið að framlengja byggðakort fyrir Ísland um eitt ár, eða fram til 31. desember 2021 en byggðakortinu var ætlað að gilda út árið 2020. Það skilgreinir á hvaða svæðum á Íslandi unnt er að veita svokallaða byggðaaðstoð í samræmi við leiðbeinandi reglur ESA þar um.

Frá og með deginum í dag eiga íbúar landsbyggðarinnar með lögheimili fjarri höfuðborginni kost á lægri flugfargjöldum til höfuðborgarinnar. Sigurður Ingi Jóhannsson, samgöngu- og sveitarstjórnarráðherra, kynnti þessa nýjung, sem ber heitið Loftbrú, á kynningarfundi í flugstöðinni á Egilsstöðum í dag. Jóna Árný Þórðardóttir, framkvæmdastjóri Austurbrúar, hlaut þann heiður að panta fyrsta miðann í gegnum Loftbrúnna en hún er ein þeirra sem unnið hefur ötullega að verkefninu síðustu ár, verkefni sem gengið hefur undir vinnuheitinu „skoska leiðin“.

Ákveðið hefur verið að fresta Byggðaráðstefnunni 2020 sem halda átti á Hótel Kötlu á Höfðabrekku í Mýrdal dagana 13.-14. október nk. Er það gert vegna þeirrar óvissu sem nú ríkir vegna Covid-19.

Árshlutareikningur Byggðastofnunar fyrir tímabilið janúar-júní 2020, var staðfestur af stjórn stofnunarinnar 28. ágúst 2020.

Mjög góður samhljómur var meðal fundarmanna og einhugur um að berjast saman fyrir áframhaldandi byggð í Árneshreppi.

Gagnatorg hefur verið opnað á vef Byggðastofnunar. Á Gagnatorginu eru lýðfræðilegar upplýsingar um íbúaþróun fyrir allt landið, eftir landshlutum, sveitarfélögum, kyni, aldri, ríkisfangi og fjölskyldugerð. Auk þess eru upplýsingar um íbúaveltu, framfærsluhlutfall og lýðfræðilega veikleika. Gagnatorgið nýtist m.a. við stefnumótun stjórnvalda og sveitarfélaga í byggðamálum og við að meta árangur ýmissa áætlana s.s. sóknaráætlana og byggðaáætlunar. Framfærsluhlutfall og lýðfræðilegir veikleikar eru tveir mælikvarðar af sex sem skilgreindur eru í núverandi byggðaáætlun.

Markmið með starfi NORA (Norræna Atlantssamstarfið) er að styrkja samstarf á Norður Atlantssvæðinu. Nú er komið að seinni úthlutun ársins 2020. Umsóknarfrestur er 5. október 2020.

Alls voru að þessu sinni til úthlutunar kr. 13.570.000,- sem er samanlögð fjárhæð, árlegrar úthlutunar kr. 5.000.000,- og sérstakrar úthlutunar í tengslum við fjárfestingarátak Alþingis vegna heimsfaraldurs kórónuveiru, eða kr. 8.570.000.

Stofnunin hefur nú bætt vöruframboð í lánveitingum með óverðtryggðum landbúnaðarlánum. Kjörin á þeim eru 2,5% álag á REIBOR (í dag 3,78% m.v. 1M REIBOR). Lánin eru að öðru leyti eins og núverandi verðtryggð landbúnaðarlán.