Fréttir af NPA

Á fyrsta umsóknarfresti Norðurslóðaáætlunar 2007-2013 31. október sl. bárust alls 22 verkefnaumsóknir og þar af er Ísland þátttakandi í 11 verkefnum.  

Þann 25. september sl. var haldinn kynningarfundur um Norðurslóðaáætlun  2007-2013 á Grand Hótel í Reykjavík.  Fundinn sótti nærri 50 lykilaðilar er varðar framgang áætlunarinnar hérlendis og var það langt fram úr vonum.

Norðurslóðaáætlun 2007-2013 NPP) er nú komin í endanlegan búning.  Á slóð áætlunarinnar er að finna upplýsingar um áherslur, þátttökulönd og starfssvæði, almenna  kynningu á áætluninni ásamt ítarlegri framkvæmdaáætlun,  yfirlit eldri verkefna ásamt úttekt á þátttöku Íslands í eldri áætlun.   

Fyrsta forverkefnisstefnumót Norðurslóðaáætlunar 2007-2013 verður haldið í Derry Norður Írlandi dagana 24.-26. apríl.

Fyrirhugað er að halda verkefnisstefnumót innan Norðurslóðaáætlunar 24. - 26. apríl 2007 í Derry, Norður Írlandi. 

Út er komin matsskýrsla IMG á þátttöku Íslands í Norðurslóðaáætlun Evrópusambandsins (Northern Periphery Programme – NPP).  Stjórn NPP á Íslandi óskaði eftir því við IMG ráðgjöf  að fyrirtækið kannaði og legði mat á gildi Norðurslóðaáætlunar ESB fyrir Ísland, framkvæmd hennar hér á landi og árangur af þátttöku, í þeim tilgangi að gera verkefnið öflugra og betra, væri slíkt mögulegt.

Vorið 2002 gerðust Íslendingar aðilar að Norðurslóðaáætlun ESB NPP (Northern Periphery Programme). Áætlunin nær til  norðlægra svæða í Finnlandi, Svíþjóð, Noregi og Skotlandi, en einnig til Grænlands, Færeyja og Íslands. Meginmarkmið áætlunarinnar er að stuðla að eflingu atvinnu- og efnahagslífs svæða og byggða með svipaðar aðstæður, með samstarfsverkefnum yfir landamæri á milli einstaklinga, fyrirtækja og stofnana í þessum landshlutum. Reynt er að koma í veg fyrir að landamæri þjóðríkja sé hindrun í samstarfi og framþróun byggða og atvinnulífs með það að markmiði  að tækifæri og styrkleikar svæðanna fái notið sín sem best. Verkefnin innan NPP skapa mikilvæg tengsl og þekkingu sem byggja á alþjóðlegri samvinnu og framtaki.

Góð reynsla er af þátttöku íslenskra aðila í verkefnum er styrkt eru af Norðurslóðaáætlun Evrópusambandsins (Northern Periphery Programme, NPP). Flest markmið með þátttöku hafa gengið eftir en Íslendingar taka nú þátt í 27 verkefnum af 45 eða í 60% allra verkefna á vegum NPP, sem teljast verður afar góður árangur.

Þann 27. maí  2005 fundaði verkefnisstjórn NPP um 6 umsóknir sem borist höfðu um ný verkefni. Samþykkt voru 5 ný verkefni og er Ísland þátttakandi í 4 þeirra.  Eftirfarandi verkefni voru samþykkt: Savety at Sea – Northern periphery Ambulance Transport & Services in Rural Areas - Atsruar SCRI on Action Spatial North 

Vorið 2002 gerðust Íslendingar aðilar að Norðurslóðaáætlun ESB NPP (Northern Periphery Programme). Áætlunin nær til  norðlægra svæða í Finnlandi, Svíþjóð, Noregi og Skotlandi, en einnig til Grænlands, Færeyja og Íslands. Meginmarkmið áætlunarinnar er að stuðla að eflingu atvinnu- og efnahagslífs svæða og byggða með svipaðar aðstæður, með samstarfsverkefnum yfir landamæri á milli einstaklinga, fyrirtækja og stofnana í þessum landshlutum. Reynt er að koma í veg fyrir að landamæri þjóðríkja sé hindrun í samstarfi og framþróun byggða og atvinnulífs með það að markmiði  að tækifæri og styrkleikar svæðanna fái notið sín sem best. Verkefnin innan NPP skapa mikilvæg tengsl og þekkingu sem byggja á alþjóðlegri samvinnu og framtaki.