Fréttir

Fyrirhugað er að halda verkefnisstefnumót innan Norðurslóðaáætlunar 24. - 26. apríl 2007 í Derry, Norður Írlandi. 

22.2.2007

Fyrirhugað er að halda verkefnisstefnumót innan Norðurslóðaáætlunar 24. - 26. apríl 2007 í Derry, Norður Írlandi.  Tilgangur slíkra verkefnastefnumóta er að safna saman áhugaverðum verkefnishugmyndum, þróa verkefnishugmyndir og tengja væntanlega verkefnaþátttakendur saman með að markmiði að til verði verkefni sem falla að áherslum áætlunarinnar.

Þema sem verða til umfjöllunar nú eru þrjú þ.e.        

1. Nýsköpun í atvinnulífi t.d. nýsköpunarkerfi og frumkvöðlastarf.

2. Virk samfélög t.d. samgöngur, upplýsingatækni og samstarf sveitarfélaga.

3. Sjálfbær nýting náttúruauðlinda t.d. ferðaþjónusta og orkunýting.

Nú er verið að leita eftir verkefnahugmyndum sem falla að ofangreindum þemum  verkefnisstefnumótsins og megináherslum Norðurslóðaáætlunar 2007-2013.

Verkefnishugmyndir þurfa að hafa borist aðalskrifstofu Norðurslóðaáætlunar (JPS) í Kaupmannahöfn eigi síðar en 5 mars 2007.

JPS mun velja áhugaverðustu verkefnishugmyndirnar innan hvers þema  til að vera til umfjöllunar á verkefnisstefnumótinu.

Auglýsing verkefnisstefnumótsins mun verða send út 9. mars 2007

Mikilvægt er að Ísland verði virkur þátttakandi, leggi fram verkefnishugmyndir og/eða taki þátt í mótum verkefnishugmynda með væntanlega þátttöku í huga. Allar nánari upplýsingar veitir Þórarinn Sólmundarson Byggðastofnun en jafnframt er frekari upplýsingar að finna í meðfylgjandi skjali.  Verkefnastefnumót.