Fréttir

Vorið 2002 gerðust Íslendingar aðilar að Norðurslóðaáætlun ESB NPP (Northern Periphery Programme). Áætlunin nær til  norðlægra svæða í Finnlandi, Svíþjóð, Noregi og Skotlandi, en einnig til Grænlands, Færeyja og Íslands. Meginmarkmið áætlunarinnar er að stuðla að eflingu atvinnu- og efnahagslífs svæða og byggða með svipaðar aðstæður, með samstarfsverkefnum yfir landamæri á milli einstaklinga, fyrirtækja og stofnana í þessum landshlutum. Reynt er að koma í veg fyrir að landamæri þjóðríkja sé hindrun í samstarfi og framþróun byggða og atvinnulífs með það að markmiði  að tækifæri og styrkleikar svæðanna fái notið sín sem best. Verkefnin innan NPP skapa mikilvæg tengsl og þekkingu sem byggja á alþjóðlegri samvinnu og framtaki.

Vorið 2002 gerðust Íslendingar aðilar að Norðurslóðaáætlun ESB NPP (Northern Periphery Programme). Áætlunin nær til  norðlægra svæða í Finnlandi, Svíþjóð, Noregi og Skotlandi, en einnig til Grænlands, Færeyja og Íslands. Meginmarkmið áætlunarinnar er að stuðla að eflingu atvinnu- og efnahagslífs svæða og byggða með svipaðar aðstæður, með samstarfsverkefnum yfir landamæri á milli einstaklinga, fyrirtækja og stofnana í þessum landshlutum. Reynt er að koma í veg fyrir að landamæri þjóðríkja sé hindrun í samstarfi og framþróun byggða og atvinnulífs með það að markmiði  að tækifæri og styrkleikar svæðanna fái notið sín sem best. Verkefnin innan NPP skapa mikilvæg tengsl og þekkingu sem byggja á alþjóðlegri samvinnu og framtaki.
Áætlunin er rekin á svipuðum forsendum og rannsóknaráætlanir innan EES-samningsins, þar sem  umsóknir keppa í gæðum um það fjármagn sem til ráðstöfunar er. Með aukinni alþjóðavæðingu er sífellt mikilvægara að vinna að alþjóðlegum verkefnum til að auka samkeppnishæfni byggða og atvinnulífs. Framlag íslenskra stjórnvalda til áætlunarinnar eru 25 milljónir á ári til ársins 2006. Heildarfjármagn áætlunarinnar er um 5 milljarðar íslenskra króna fyrir árin 2001–2006.  Einstök verkefni fá síðan stuðning, eftir mat sérfræðinga frá öllum aðildarlöndunum og er stuðningur háður a.m.k. 40% - 50% mótframlagi umsóknaraðila, þó að hámarki 70.000 Evrur hvað íslensk verkefni varðar.

Úthlutun NPP í desember 2006
Þann 15. desember 2005 fundaði verkefnisstjórn NPP um 7 umsóknir sem borist höfðu um ný verkefni. Samþykkt voru 3 ný verkefni og er Ísland þátttakandi í 2 þeirra.  Heildarkostnaður þessara 2 verkefna eru 96 milljónir króna. NPP styrkir þátttöku í verkefnum aðildarlanda  Evrópusambandsins þ.e. Finnlands, Svíþjóðar og Skotlands um allt að 60% af þeirri fjárhæð á móti umsóknaraðilum, sem eru stofnanir, fyrirtæki, samtök og fleiri.  Vegna mikillar eftirspurnar, góðrar reynslu og mikils fjölda umsókna sem borist hafa og að teknu tilliti til þeirra fjármuna sem til ráðstöfunar eru hefur framlag til íslenskra þátttakenda verið til muna lægra.  Með þeim  verkefnum sem nú hafa verið samþykkt er Ísland þátttakandi í 29 verkefnum á vegum áætlunarinnar sem teljast verður afar góður árangur. Þau verkefni sem voru samþykkt nú eru:
• Roadex III. Verkefnið er framhaldsverkefni fyrri Roadex verkefna þar sem áhersla er lögð á miðlun tæknilegra upplýsinga og verkfræðigagna. Alls hafa verið gefnar út 17 Roadex skýrslur og heimasíða verkefnisins www.roadex.org er mjög virk. Vegagerðim er þátttakandi í verkefninu og er heildarfjármagn þess 2006-2008  51,1 milljón.

• Scandinavian MAYHEM (Music, Arts, Youth, Harmony, Entertainment and Media). Verkefnið beinist að mögulegri hagnýtingu upplýsingatækni til að bæta aðgengi að menningarviðburðum hverskonar en forverkefnið nefndist “Community Studios”. Áhersla er lögð á að ryðja úr vegi hindrunum sem tengjast dreifðri búsetu og miklum vegalengdum á aðgengi að menningarviðburðum og samstarfi. Hitt húsið er þátttakandi í verkefninu og er heildarfjármagn þess 2006-2007 41,2 milljón.
NPP heyrir undir iðnaðar- og viðskiptaráðuneytið en Byggðastofnun rekur skrifstofu NPP á Íslandi. Nánari upplýsingar veitir Þórarinn Sólmundarson,  thorarinn@byggdastofnun.is