Fréttir af NORA

Á ársfundi NORA í byrjun júní var samþykkt að styrkja níu samstarfsverkefni. Íslenskir aðilar taka þátt í þeim öllum og leiða sum þeirra.

Færeyingurinn Ásmundur Guðjónsson tekur við stöðu framkvæmdastjóra Norræna Atlantssamstarfsins, NORA, þann 1. ágúst nk. Hinn nýi framkvæmdastjóri á að baki fjölþætta reynslu af norrænu samstarfi, auk þess að hafa góða innsýn í sjávarútveg og nýtingu auðlinda hafsins, en sjávarútvegur er undirstöðugrein í atvinnulífi svæðisins. Framkvæmdastjórn NORA valdi Ásmund úr hópi 52ja umsækjenda frá öllum fjórum NORA-löndunum.

NORA óskar eftir verkefnahugmyndum og styrkumsóknum með umsóknarfrest þann 2. mars 2015. Norræna Atlantssamstarfið, NORA, styrkir samstarf á Norður-Atlantshafssvæðinu. Í því augnamiði veitir NORA verkefnastyrki tvisvar á ári til verkefna sem eru í samstarfi a.m.k. tveggja aðildarlanda, en löndin innan NORA eru Ísland, Grænland, Færeyjar og strandhéruð Noregs.

Norræna Atlantssamstarfið, NORA, styrkir samstarf á Norður-Atlantshafssvæðinu. Í því augnamiði veitir NORA verkefnastyrki tvisvar á ári til verkefna sem eru í samstarfi a.m.k. tveggja aðildarlanda, en löndin innan NORA eru Ísland, Grænland, Færeyjar og strandhéruð Noregs. Nú óskar NORA eftir styrkumsóknum með umsóknarfrest þann 6. október 2014.

Á ársfundi Norræna Atlantssamstarfsins, NORA, sem haldinn var í Nuuk á Grænlandi þann 3. júní sl. var samþykkt að styrkja níu samstarfsverkefni, öll með íslenskri þátttöku.

NORA auglýsir eftir styrkumsóknum til samstarfsverkefna með umsóknarfresti mánudaginn 3. mars 2014. Hámarksstyrkur eru 500.000 danskar krónur árlega að hámarki í þrjú ár. Áhersla er lögð á eftirtalin svið, samkvæmt stefnumörkun NORA til fimm ára (strategiplan):

Á undanförnum árum hefur áhugi á norðurheimskautssvæðinu farið vaxandi. Hvaða áhrif hefur þessi áhugi á þá mynd sem fjölmiðlar heimsins gefa af löndunum á heimskautssvæðinu? Hvernig geta fjölmiðlar þessara landa lifað af í sívaxandi samkeppni í fjölmiðlaheiminum? Hvernig má efla gagnrýna umræðu fjölmiðla í fámennum samfélögum þar sem maður þekkir mann? Hvaða áskorunum og tækifærum standa fjölmiðlar svæðisins frammi fyrir?

NORA óskar eftir styrkumsóknum með umsóknarfrest þann 7. október 2013. NORA veitir styrki að hámarki 500.000 danskar krónur á ári og mest til þriggja ára. Skilyrði er að þátttaka sé frá a.m.k. tveimur NORA-löndum.

Á ársfundi NORA þann 4. júní voru samþykktir styrkir að fjárhæð tæpar 2,6 milljónir danskra króna (rúmar 57 mkr.) til níu samstarfsverkefna á NORA-svæðinu. Umsóknum um styrki hefur farið fjölgandi ár hvert og að þessu sinni bárust um 40 umsóknir. Íslendingar eru afar virkir þátttakendur í samstarfinu og eru með í næstum öllum verkefnum sem fá styrki.

Ný svæðisbundin netþjónusta þar sem kynntar verða fréttir sem og tölfræði- og markaðsupplýsingar frá Íslandi, Færeyjum, Grænlandi og strandsvæðum Noregs verður opnuð í dag.