Fréttir

NORA

NORA auglýsir eftir styrkumsóknum til samstarfsverkefna með umsóknarfresti mánudaginn 3. mars 2014.

Hámarksstyrkur eru 500.000 danskar krónur árlega að hámarki í þrjú ár. Áhersla er lögð á eftirtalin svið, samkvæmt stefnumörkun NORA til fimm ára (strategiplan):

Efla sterku hliðarnar – fiskveiðar og auðlindir sjávar

Samvinna og nýsköpun á sviði fiskveiða og annarra auðlinda sjávar er grundvallarþáttur í efnahagslegri þróun á svæðinu. Því vill NORA skapa grundvöll fyrir nýsköpun, samvinnu og sjálfbærum rekstri sjávarauðlinda með því að:

• hvetja til rannsókna og skipuleggja ráðstefnur, málstofur og námskeið
• styðja við verkefni sem ætlað er að hámarka nýtingu auðlinda og auka afköst í sjávarútvegi, svo og verkefni sem stefna að því að þróa nýjar afurðir

Skapa ný tækifæri – fjölbreytileiki og nýsköpun

Nýsköpun og fjölbreytileiki eiga að vera í brennidepli á öllu Norðuratlatssvæðinu. Því vill NORA:

• styðja verkefni með það að markmiði að mynda tengslanet aðila í nýsköpun, bæði lítilla og stórra fyrirtækja svo og einstaklinga, sem geta skapað grundvöll fyrir nýja viðskiptamöguleika
• styðja verkefni þar sem unnið er að þróun nýrra framleiðsluvara, nýrra framleiðsluaðferða, nýrra aðferða við markaðssetningu svo og annarri nýsköpun sem stuðlar að fjölbreytileika

Að sigrast á fjarlægðum – innviðir og samgöngur

Kjarninn í starfsemi NORA er að sigrast á fjarlægðum. Til að stuðla að auknum efnahaglegum tengingum á svæðinu vill NORA:

• skapa grundvöll fyrir pólitískri samræðu og sameiginlegum aðgerðum hvað varðar innviði og samgöngur á svæðinu
• styðja verkefni sem ryðja úr vegi hindrunum vegna mikilla fjarlægða á svæðinu, þetta á við um verkefni í upplýsingatækni, þróun á ferða- og flutningamálum

Í aðgerðaáætlun (handlingsplan) NORA fyrir árið 2014 er auk þess lögð áhersla á forgang verkefnahugmynda sem tengjast efni svæðaráðstefnu NORA 2013: Nordatlanten i medierne – Medierne i Nordatlanten, en ráðstefnan fjallaði um hlutverk fjölmiðla á NORA-svæðinu og hvernig fjölmiðlar fjalla um svæðið.

Umsóknarfrestur er til og með mánudagsins 3. mars nk.

Leiðbeiningar við gerð umsókna má finna á heimasíðu NORA 

Einnig má hafa samband við tengilið NORA, Sigríði K. Þorgrímsdóttur, netfang sigga@byggdastofnun.is eða í síma 4555400.