Fréttir

Út er komin lokaskýrsla Atvinnuvega- og nýsköpunarráðuneytis um úttekt á starfsemi sjóða og stofnana sem heyra undir ráðuneytið  í að skoða hlut kynja við úthlutun fjármagns og verklag og aðferðir við úthlutun fjármagns svo það nýtist aðilum sem jafnast óháð kyni. Verkefnið er hluti af vinnu við kynjaða hagstjórn og fjárlagagerð (KHF). 

Verkefni Atvinnuvega- og nýsköpunarráðuneytisins var að skoða starfsemi sjóða og stofnana sem fjármagnaðir eru af fjárlagaliðum ráðuneytisins og veita fjármagni til einstaklinga, stofnana og fyrirtækja með það að markmiði að efla atvinnulíf, nýsköpun og byggðaþróun. Fjármunum sem varið er til þessa málaflokks er ætlað renna til þeirra verkefna sem best eru til þess fallin að stuðla að nýsköpun og efla atvinnulíf. Það er réttlætismál að stoðkerfið standi öllum opið og mismuni ekki á grundvelli atriða eins og t.d. kynferðis eða búsetu umsækjanda.

 Verkefnið hófst árið 2011 og var áfangaskýrsla I kynnt í fjárlagafrumvarpi ársins 2013 og áfangaskýrsla II í fjárlagafrumvarpi fyrir árið 2014. Í þessari skýrslu er gerð grein fyrir lokaáfanga verkefnisins og helstu niðurstöðum í fjárlagafrumvarpi ársins 2015.

Skýrsluna er hægt að nálgast hér.