Fréttir

Ársfundur Byggðastofnunar var haldinn á Varmalandi fimmtudaginn 5. maí síðastliðinn. Þema fundarins var ,,óstaðbundin störf“.

Herdís Ýr Hreinsdóttir lauk nýverið prófi til MPA-gráðu í opinberri stjórnsýslu við Háskóla Íslands, en hún hlaut styrk frá Byggðastofnun til að ljúka þessu verkefni. Lokaverkefni hennar nefnist „Skemmtilegasti hluti stjórnsýslunnar“. Tilviksrannsókn á starfi menningar- og ferðamálafulltrúa sveitarfélaga á Íslandi.

Í byrjun apríl auglýsti Byggðastofnun eftir sérfræðingi til starfa á þróunarsviði stofnunarinnar. Alls bárust fimmtán umsóknir, fjórar frá körlum og ellefu frá konum. Ákveðið hefur verið að ráða Hönnu Dóru Björnsdóttur í starfið.

Lánasérfræðingar Byggðastofnunar verða til viðtals á skrifstofu Heklunnar í Reykjanesbæ þriðjudaginn 24. maí.

Vorfundur Byggðastofnunar og landshlutasamtakanna var haldinn dagana 4. og 5. maí á Varmalandi í Borgarfirði. Um er að ræða árlegan viðburð þar sem starfsfólk þróunarsviðs Byggðastofnunar, framkvæmdastjórar landshlutasamtakanna og atvinnuráðgjafar þeirra koma saman og bera saman bækur sínar, ræða atvinnuráðgjöfina, samstarf og önnur málefni sem snerta starf þeirra í landsbyggðunum. Um 40 manns voru samankomin á þessum vorfundi, sem var sá fyrsti sem haldinn er síðan 2019 vegna áhrifa COVID-19.

Þann 11. maí sl. var lokaráðstefna haldin í verkefninu Women Making Waves eða Konur gára vatnið í Hofi á Akureyri. Verkefnið er styrkt af Evrópsku menntaáætluninni, Erasmus+. Byggðastofnun er aðili að verkefninu ásamt Jafnréttisstofu sem stýrir verkefninu og samstarfsaðilum í Englandi, Grikklandi og á Spáni. Verkefnið hefur staðið yfir í tæp þrjú ár og snýr að valdeflingu kvenna í víðum skilningi. Sjónum hefur einkum verið beint að konum sem búa við tvíþætta mismunun.

Landstólpinn var afhentur í ellefta sinn á ársfundi Byggðastofnunar sem haldinn var á Varmalandi í Borgarfirði þann 5. maí 2022 en hann var fyrst afhentur árið 2011. Landstólpann hafa hlotið einstaklingar, fyrirtæki og hópar sem þykja hafa skarað fram úr í sínum verkefnum og störfum.

Nýsköpunardagurinn 2022 verður haldinn þann 17. maí nk. Þema Nýsköpunardagsins í ár er: Græn nýsköpun.

Innviðaráðherra hefur skipað Aðalstein Þorsteinsson í embætti skrifstofustjóra sveitarfélaga og byggðamála hjá innviðaráðuneytinu. Aðalsteinn var valinn úr hópi margra hæfra umsækjenda að fengnum tillögum frá ráðgefandi hæfnisnefnd. Hann mun taka við embættinu frá og með 1. júní næstkomandi.

Nýverið var úthlutað styrkjum úr Byggðarannsóknasjóði til fjögurra verkefna. Umsóknarfrestur var til 16. febrúar sl. og alls bárust 12 umsóknir, samtals að upphæð 38,5 m.kr. og heildarkostnaður verkefna er 39,6 m.kr. Til úthlutunar eru 10 m.kr.