Fréttir

Frá Byggðaráðstefnunni 2021

Í síðustu viku var haldin tveggja daga ráðstefna í Mýrdal með yfirskriftina „Menntun án staðsetningar?“ og var ein af byggðaráðstefnum sem Byggðastofnun stendur að annað hvert ár í samstarfi við Samband sveitarfélaga og landshlutasamtökin, ásamt því sveitarfélagi þar sem ráðstefnan er haldin hverju sinni.

Flutt voru fimmtán erindi og fyrirlesarar komu flestir frá háskólum, stofnunum eða sveitarfélögum. Menntamálaráðherra, Lilja Alfreðsdóttir, ávarpaði ráðstefnugesti. Einnig ávarpaði fyrsti þingmaður Suðurkjördæmis, Guðrún Hafsteinsdóttir, ráðstefnugesti. Auk þess tóku til máls Aðalsteinn Þorsteinsson, forstjóri Byggðastofnunar, Þorbjörg Gísladóttir sveitarstjóri Mýrdalshrepps og Karl Björnsson, framkvæmdastjóri Sambands íslenskra sveitarfélaga. Fundarstjórar voru Ágúst Sigurðsson, sveitarstjóri Rangárþings ytra og Matthildur Ásmundardóttir, bæjarstjóri sveitarfélagsins Hornafjarðar.

Finna má upptöku af ráðstefnunni og glærur fyrirlesaranna hér.