Fréttir

Guðný Rós Jónsdóttir lauk í júní meistaranámi í aðferðafræði frá Félagsfræði-, mannfræði og þjóðfræðideild Háskóla Íslands. Lokaverkefni hennar var eitt þeirra þriggja verkefna meistaranema sem hlaut styrk Byggðastofnunar í desember 2023. Viðfangsefni rannsóknarinnar var að skoða þjónustusókn heilbrigðisþjónustu á Suðvestursvæði landsins með tilliti til vinnusóknar með það að markmiði að skilgreina þjónustusvæði heilbrigðisþjónustu á svæðinu

Byggðastofnun hefur á síðustu tíu árum lánað um hálfan milljarð króna til 90 fyrirtækja sem eru í meirihlutaeigu kvenna í landsbyggðunum í gegnum sérstakan lánaflokk, “Lán til stuðnings atvinnureksturs kvenna”.

Í stjórnsýsluúttekt Ríkisendurskoðunar á ráðstöfun byggðakvóta kemur fram að Aflamark Byggðastofnunar sé minna umdeilt en almenni byggðakvótinn og úthlutun þess feli í sér meiri fyrirsjáanleika hvað varðar úthlutun til byggðarlaga.

Merkja má vaxandi áhuga á lánum frá Byggðastofnun eftir undirritun samkomulags stofnunarinnar við Fjárfestingabanka Evrópusambandsins í síðustu viku.

Opnað hefur verið fyrir umsóknir í fimmta kalli Norðurslóðaáætlunarinnar og er umsóknarfrestur til 30. september n.k. Í ljósi þess að nokkuð er gengið á fjármuni áætlunarinnar er gert ráð fyrir að þetta verði síðasta kallið að sinni þar sem opið er fyrir umsóknir á öllum áherslusviðum áætlunarinnar. Það er því um að gera að nýta tækifærið nú áður en þrengt verður að því á hvaða sviðum umsóknir þurfa að vera.

Evrópski fjárfestingarsjóðurinn (EIF) hefur undirritað samning við Byggðastofnun um bakábyrgðir að upphæð allt að 3,2 milljörðum króna vegna lána til lítilla og meðalstórra fyrirtækja. Ábyrgðin er studd af InvestEU áætlun Evrópusambandsins.

Byggðastofnun og Evrópski fjárfestingabankinn munu á morgun, þann 6. júní kl. 10:00, undirrita samkomulag sem felur í sér aðgang að InvestEU ábyrgðarsjóðnum sem styður við fjármögnun og fjárfestingar í Evrópu á sviði nýsköpunar, sjálfbærrar uppbyggingar innviða og stafrænnar umbreytingar. Undirritunin fer fram í Fjármála- og efnahagsráðuneytinu við Arnarhvol.

Przeprowadzana przez Maskíne, wimieniu Byggðastofnun, ankieta wśród mieszkańców całego kraju (poza obszarem stołecznym) w celu zbadania, korzystania z usług i oczekiwań co do zmian w usługach.

Maskína is currently conducting a survey on behalf of the Icelandic Regional Development Institute all over the country (outside of the capital area) to research the use of services and expectations of users to alterations in services.

Nú fer fram könnun sem Maskína framkvæmir fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu.