Fréttir

Byggðabragur sveitarfélaga er viðfangsefni rannsóknarskýrslu sem nýverið var gefin út af Rannsóknasetri byggða og sveitarstjórnarmála við Háskólann á Bifröst. Skýrslan ber heitið Byggðabragur: Félagssálfræðileg rannsókn á þremur íslenskum sveitarfélögum.

Í árlegri heimsókn starfsfólks Byggðastofnunar til Stöðvarfjarðar á íbúafund kom berlega í ljós að Stöðfirðingar hafa tekið höndum saman um að nýta verkefnið Brothættar byggðir/Sterkan Stöðvarfjörð til fulls.

Í síðustu viku voru nýir samningar um Aflamark Byggðastofnunar á Hólmavík, Drangsnesi og Suðureyri undirritaðir í vinnsluhúsnæði samningsaðila. Samningarnir eru til næstu sex fiskveiðiára og fela í sér áframhaldandi samstarf stofnunarinnar við vinnslu- og útgerðaraðila í viðkomandi byggðarlögum. Tilgangurinn er sem áður að styrkja byggðafestu í byggðarlögunum með stuðningi í formi árlegs aflamarks sem stofnunin afhendir samningsaðilum gegn skuldbindingum þeirra um veiðar og vinnslu, viðhald og/eða fjölgun starfa og annan stuðning við nærsamfélagið.

Í vikunni heimsóttu Arnar Már forstjóri og Sigríður Elín forstöðumaður þróunarsviðs, stjórnendur Flóahrepps, Ásahrepps, Rangárþings ytra og Rangárþings eystra. Ferðalaginu lauk svo í Vestmannaeyjum þar sem stjórn stofnunarinnar kom saman til stjórnarfundar og heimsóknar til sveitarfélagsins.

Verkefnisstjórn Sterks Stöðvarfjarðar boðar til íbúafundar í grunnskóla Stöðvarfjarðar fimmtudaginn 29. ágúst kl 18:00.

Przeprowadzana przez Maskíne, wimieniu Byggðastofnun, ankieta wśród mieszkańców całego kraju (poza obszarem stołecznym) w celu zbadania, korzystania z usług i oczekiwań co do zmian w usługach.

Maskína is currently conducting a survey on behalf of the Icelandic Regional Development Institute all over the country (outside of the capital area) to research the use of services and expectations of users to alterations in services.

Nú fer fram könnun sem Maskína framkvæmir fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu.

Byggðastofnun auglýsir styrki til meistaranema sem vinna að lokaverkefnum á sviði byggðaþróunar. Kostur er ef verkefnin hafa skírskotun til byggðaáætlunar. Til úthlutunar er allt að 1.400.000 kr. og stefnt er að því að veita allt að fjóra styrki.

Nú er lokið rannsókn Háskólans á Akureyri og Vörðu, rannsóknastofnun vinnumarkaðarins sem er eitt þeirra fjögurra verkefna sem hlaut styrkveitingu úr Byggðarannsóknasjóði vorið 2022. Skýrsla rannsóknarinnar ber heitið Ójöfnuður meðal kvenna í íslensku samfélagi. Niðurstöður spurningakönnunar meðal kvenna á Íslandi.