Aðrir sjóðir
Innlendir sjóðir
Atvinnumál kvenna veitir styrki ætluðum konum sem eru að vinna að viðskiptahugmyndum eða þróa verkefni. Markmiði er að auka aðgengi frumkvöðlakvenna að fjármagni.
Ferðamálastofa fjármagnar framkvæmdir á ferðamannastöðum og ferðamannaleiðum sem snúa að öryggi ferðamanna, nátturuvernd og uppbyggingu, viðhaldi og verndun mannvirkja og náttúru og vegna undirbúnings- og hönnunarvinnu sem er nauðsynleg vegna áðurgreindra framkvæmda.
Svanni Lánatryggingasjóður kvenna veitir lán til fyrirtækja í eigu kvenna. Meginmarkmið sjóðsins er að styðja konur til nýsköpunar í atvinnulífi með því að veita ábyrgðir á allt að helming lána sem þær taka hjá lánastofnun til að fjármagna tiltekið verkefni.
Nýsköpunarsjóður atvinnulífsins vinnur að uppbyggingu, vexti og alþjóðavæðingu íslensks atvinnulífs með því að taka þátt í fjárfestingaverkefnum á sviði nýsköpunar, og að styrkja forathuganir, þróunarverkefni og kynningarverkefni.
Rannís - Hlutverk þess er að treysta stoðir íslenskrar menningar og atvinnulífs með því að stuðla að markvissu vísindastarfi, tækniþróun og nýsköpun.
Matvælasjóður - Hlutverk Matvælasjóðs er að styrkja þróun og nýsköpun við framleiðslu og vinnslu matvæla og hliðarafurða úr landbúnaðar- og sjávarafurðum.
Orkusjóður - Hlutverk Orkusjóðs er að stuðla að hagkvæmri nýtingu orkuauðlinda landsins með styrkjum eða lánum, einkum til aðgerða er miða að því að draga úr notkun jarðefnaeldsneytis og auka nýtingu á innlendum endurnýjanlegum orkugjöfum.
Umhverfissjóður sjókvíaeldis - Markmið sjóðsins er að fjármagna verkefni, sem lúta að því að aðlaga fiskeldi hér á landi sem mest að þeim umhverfisskilyrðum sem fyrir hendi eru og lágmarka þannig umhverfisáhrif af völdum sjókvíaeldis.
Uppfært 21. mars 2022
Norrænir sjóðir
EES uppbyggingasjóður (áður Þróunarsjóður EFTA) var stofnaður í þeim tilgangi að vinna gegn efnahags- og félagslegum mismun í þeim ríkjum sem aðstoðina þiggja. Heildarupphæð sem varið verður til styrkja á árunum 2014 - 2021 er 1,5 milljarðar evra í 15 ríkjum sem aðstoðina þiggja innan Evrópu.
Lánasjóður Vestur-Norðurlanda (Vestnordendfonden) veitir lán og styrki til framfaraverkefna hjá litlum og meðalstórum fyrirtækjum og er sérstök áhersla lögð á þróun framleiðslu til útflutnings eða bætta þjónustu og nýsköpun. Hlutverk sjóðsins er að efla fjölbreytt og samkeppnisfært atvinnulíf í Færeyjum, á Grænlandi og Íslandi.
Norræna Atlantsnefndin (Nordisk Atlantsamarbejde, NORA) veitir styrki til samstarfsverkefna er tengjast þróun atvinnulífs, nýsköpun og rannsóknasamstarfi á Grænlandi, Íslandi , Færeyjum og strand-Noregi.
Norræna umhverfisfjármögnunarfélagið (Nordic Enviroment Finance Corporation, NEFCO) tekur þátt í verkefnum með því að leggja fram fjármagn í formi hlutafjár eða lána til fyrirtækja. Megintilgangur félagsins er að stuðla að umhverfisbótum svo sem bættum mengunarvörnum í löndum Mið- og Austur-Evrópu.
Norræni fjárfestingarbankinn (Nordic Investment Bank, NIB) veitir lán til fjárfestingarverkefna einkaaðila og opinberra aðila á Norðurlöndum sem og utan þeirra.
Norræni fjárfestingarsjóðurinn (Nordic Innovation) - Hlutverk sjóðsins er að hvetja til norrænar samvinnu um tækniþróun og nýsköpun í atvinnulífi Norðurlanda og aðstoðar við myndun evrópskra samstarfsverkefna á grundvelli norrænnar samvinnu.
Norræni menningarsjóðurinn (Nordisk Kulturfond) - Hlutverk sjóðsins er að styðja við öflugt lista- og menningarlíf á norðurlöndunum.
Norræni þróunarsjóðurinn (Nordic Development Fund, NDF). Hlutverk sjóðsins er að styrkja efnahagslegar og félagslegar framfarir í þróunarríkjum.
Uppfært 3. janúar 2018
