Fréttir

Innviðaráðherra auglýsir eftir umsóknum um framlög sem veitt eru á grundvelli stefnumótandi byggðaáætlunar fyrir árin 2022-2036 vegna verkefna sem tengjast aðgerð A.9 Verslun í dreifbýli.

Á vorfundi Norræna Atlantssamstarfsins, NORA, sem haldinn var á Kjerringøy í Norður-Noregi í lok maí s.l. var samþykkt að styrkja ellefu verkefni. Íslendingar taka þátt í níu þeirra og stefnt að þátttöku þeirra í einu til viðbótar auk þess að leiða eitt verkefnanna. Alls er varið 2,7 milljónum danskra króna í styrkina ellefu.

Ráðstefna á vegum ESPON var haldin í Trysil í Noregi dagana 10. – 12. september síðastliðinn. Þremur starfsmönnum Byggðastofnunar gafst tækifæri til að taka þátt á ráðstefnunni. Yfirskrift ráðstefnunnar að þessu sinni var Unleashing the potential of small and medium size places – barriers and opportunities.

Fimmtudaginn 12. september fóru Arnar Már og Reinhard út í Hrísey og hittu forsvarsmenn Hrísey Seafood. Vinnsla og beitningaaðstaða fyrirtækisins voru skoðuð og skrifað undir nýjan samning um aflamark stofnunarinnar til næstu sex fiskveiðiára, en samningurinn mun skipta sköpum fyrir byggðalagið.

Árleg greinargerð um sóknaráætlanir landshluta er nú komin út og er fyrir árið 2023. Heildarfjármunir til sóknaráætlana 2023 var tæplega 1,1 milljarður króna og stærstur hluti þeirra fjármuna kom frá ríkinu. Markmið sóknaráætlana er að ráðstafa fjármunum sem varið er til verkefna í einstökum landshlutum á sviði samfélags- og byggðamála, samkvæmt svæðisbundnum áherslum.

Clara Ganslandt, sendiherra ESB á Íslandi, ásamt fylgdarliði heimsóttu Byggðastofnun í morgun til að kynna sér starfsemi stofnunarinnar. Hópurinn er á ferðalagi um landið í tilefni þess að 30 ár eru síðan samningur um EES tók gildi og er hópurinn að kynna samstarfsáætlanir ESB á sviði menntunar, menningar, rannsókna, nýsköpunar og æskulýðsstarfs.

Byggðastofnun verður lokuð eftir hádegi í dag, föstudaginn 13. september vegna starfsdags.

Í lok júní veitti Byggðastofnun fyrsta lánið til nýliðunar í landbúnaði undir nýju samkomulagi við evrópska fjárfestingasjóðinn (EIF). Lánið var veitt til Rebekku K. Björgvinsdóttur sem festi kaup á jörðinni Hólmahjáleigu í Landeyjum en þar er kúabú í fullum rekstri.

Nú er mögulegt að sækja um styrki til samstarfsverkefna á Norður-Atlantssvæðinu á vegum NORA (Norræna Atlantssamstarfsins). NORA veitir verkefnastyrki tvisvar á ári til samstarfsverkefna á milli Íslands og a.m.k. eins annars NORA-lands, þ.e. Grænlands, Færeyja, strandhéraða Noregs. Þetta er fyrri úthlutun ársins 2024 með umsóknarfrest til miðnættis mánudaginn 7. október n.k.

Stjórn Byggðastofnunar samþykkti á fundi sínum þann 28. ágúst síðastliðinn að lækka lántökugjöld úr 1,8% í 1,2% í öllum lánaflokkum að undanskildum lánaflokknum lán til viðkvæmra byggðarlaga þar sem gjaldið verður 0,5%.