Fréttir

Stjórn Byggðastofnunar ákvað á fundi sínum í byrjun mánaðar, ef samningar nást við hagsmunaaðila um raunhæfar útfærslur, að mögulegt verði að úthluta allt að 500 þorskígildistonnum af aflamarki stofnunarinnar til Strandabyggðar á yfirstandandi fiskveiðiári.

Byggðaþróunarverkefnið Sterkar Strandir hófst á árinu 2020 og hefur því staðið yfir í á fjórða ár. Samkvæmt samningi var gert ráð fyrir því að verkefnið stæði yfir til loka árs 2023 þegar Byggðastofnun drægi sig í hlé úr verkefninu. Sveitarstjórn Strandabyggðar óskaði eftir framlengingu á verkefninu og samþykkti stjórn Byggðastofnunar á fundi sínum 1. nóvember 2023 að framlengja verkefnið um eitt ár, til loka árs 2024.

Nýverið lauk Elizabeth Riendeau meistaraverkefni í haf- og strandsvæðastjórnun hjá Háskólasetri Vestfjarða með rannsókn sem nefnist „Setting Course for Sustainability. Evaluating Resident´s Perspectives of Cruise Tourism in Ísafjörður, Iceland“.

Vel heppnaður íbúafundur var haldinn í byggðaþróunarverkefninu DalaAuði í Dalabúð þriðjudaginn 14. nóv. sl. Verkefnið hófst á íbúaþingi í mars 2022 og er því á öðru starfsári. Allt frá byrjun hefur mikill kraftur einkennt aðkomu hagaðila að verkefninu og íbúar tekið virkan þátt.

Í síðustu viku voru haldnar vinnustofur í þremur sveitarfélögum sem þátt taka í samstarfsverkefni Byggðastofnunar, Veðurstofu Íslands, umhverfis,-orku og loftslagsráðuneytis og Skipulagsstofnunar um aðlögun íslenskra sveitarfélaga að áhrifum loftslagsbreytinga.

Byggðastofnun, HMS, háskóla-, iðnaðar- og nýsköpunarráðuneytið, Samtök iðnaðarins og landshlutasamtökin standa fyrir opnum fundum um atvinnuuppbyggingu og þróun íbúðamarkaðar.

Vel á sjötta hundrað manns fylgdust með streymi frá byggðaráðstefnunni sem fram fór í Hljómahöllinni í Reykjanesbæ um búsetufrelsi síðasta fimmtudag og á annað hundrað sátu ráðstefnuna.

Nordregio Forum var haldið í Reykjavík þann 17. október sl. undir yfirskriftinni Young Nordics. Á ráðstefnunni voru haldin mörg áhugaverð erindi auk pallborðsumræðna. Upptökur frá ráðstefnunni hafa verið gerðar aðgengilegar á vefnum.

Sameiginlegur kynningarfundur SSNV, Byggðastofnunar, HMS, Samtaka iðnaðarins og Lóu nýsköpunarsjóðs var haldinn á Sauðárkróki þann 19. október s.l. Efni fundarins var Atvinnuuppbygging og þróun íbúðamarkaðar á Norðurlandi vestra. Upptaka og glærukynningar eru nú aðgengileg.

Sérfræðingar Byggðastofnunar verða á Þróunarsetrinu á Hólmavík mánudaginn 13. nóvember nk. og vilja ná fundum með hagsmunaaðilum vegna mögulegrar úthlutunar á allt að 500 þorskígildistonnum af aflamarki stofnunarinnar til staðarins á yfirstandandi fiskveiðiári 2023/2024.