Fréttir

Opnað hefur verið fyrir umsóknir um styrki á grundvelli laga nr. 160/2011 um svæðisbundna flutningsjöfnun.

Skýrslan state of the Nordic Region 2020 er komin út. Skýrslan er gefin út annað hvort ár og gefur góða yfirsýn yfir félags- og efnahagslega þætti á Norðurlöndunum. Meðal efnis er lýðfræði, vinnumarkaður, efnahagslíf, vellíðan og leið Norðurlandanna að kolefnishlutleysi.

Eyrarrósin, sem nú er veitt í sextánda sinn, er viðurkenning fyrir framúrskarandi menningarverkefni utan höfuðborgarsvæðisins. Alls bárust 25 umsóknir um Eyrarrósina 2020 hvaðanæva af landinu.

Byggðastofnun hefur veitt styrki úr Byggðarannsóknasjóði allt frá árinu 2015. Til úthlutunar eru 10 m.kr. árlega. Alls hafa 20 verkefni hlotið styrk á árunum 2015-2019 að heildarfjárhæð 48,9 m.kr. Nú er auglýst eftir umsóknum í sjóðinn og þurfa þær að berast eigi síðar en fimmtudaginn 12. mars nk.

Þann 10. janúar sl. voru sjö milljónum króna úr verkefninu Betri Bakkafjörður vegna ársins 2019 úthlutað til sex samfélagseflandi verkefna á Bakkafirði. Auglýst var síðastliðinn nóvember, sjö umsóknir bárust um styrki að upphæð kr. 16,5 milljónir.

Þann 1. febrúar nk. verður opnað fyrir styrkumsóknir vegna svæðisbundinnar flutningsjöfnunar. Lögbundinn lokafrestur umsókna vegna flutningskostnaðar árið 2019 er 31. mars 2020. Athugið að ekki tekið við umsóknum eftir þann tíma.

Þann 16. janúar sl. funduðu sveitarstjórn og sveitarstjóri Strandabyggðar með fulltrúum Byggðastofnunar í verkefninu Brothættar byggðir. Fundurinn var fræðslufundur um verkefnið, haldinn í kjölfar þess að stjórn stofnunarinnar samþykkti inngöngu Strandabyggðar í verkefnið. Fulltrúar Byggðastofnunar kynntu verkefnið og verklag þess og góðar umræður sköpuðumst um verkefnið í Strandabyggð.

Samgöngu- og sveitarstjórnarráðherra hefur staðfest tillögur valnefndar um verkefnastyrki vegna fjarvinnslustöðva sem veittir eru á grundvelli stefnumótandi byggðaáætlunar fyrir árin 2018-2024 (aðgerð B.8 - fjarvinnslustöðvar). Að þessu sinni var 24 milljónum króna úthlutað til þriggja verkefna fyrir árin 2019-2020. Þá hafa einnig verið gefin fyrirheit um styrki að heildarupphæð 55 milljónum króna til ársins 2023. Auglýst voru framlög fyrir árin 2019-2020 en heimilt er að styrkja sama verkefni til allt að fimm ára, með fyrirvara um fjárheimildir fjárlaga hvers árs.

Stjórn Byggðastofnunar ákvað á fundi sínum þann 17. desember sl. að styrkja þrjá meistaranema sem vinna að lokaverkefnum á sviði byggðamála. Heildarupphæð styrkjanna er ein milljón króna. Veittur er einn styrkur að upphæð 400.000 krónur, en tvö verkefni hljóta styrk að fjárhæð 300.000 krónur. Viðfangsefnin snúast um hvernig byggja megi upp miðbæjarkjarna í þéttbýli, stöðu þorpa gagnvart stærri byggðakjörnum innan sama sveitarfélags og það verkefni sem hæstan styrk hlýtur snýst um að kanna hvernig byggingar sem hýst hafa atvinnustarfsemi en gera ekki lengur geta nýst og eru nýttar í dag.

Nú um áramótin tók Sigríður Elín Þórðardóttir við starfi sem forstöðumaður þróunarsviðs. Sigríður Elín er með mastersgráðu í félagsfræði frá Háskóla Íslands. Hún hefur starfað sem sérfræðingur á þróunarsviði Byggðastofnunar um árabil. Í starfi sínu á Byggðastofnun hefur hún unnið að fjölbreyttum verkefnum og stýrt stórum samstarfsverkefnum á verkefnasviði stofnunarinnar, jafnt innlendum sem erlendum.