Fréttir

NORA auglýsir hér með eftir umsóknum um styrki til samstarfsverkefna á milli Íslands og hinna NORA-landanna, þ.e. Grænlands, Færeyja og Noregs.

23.1.2007

NORA auglýsir hér með eftir umsóknum um styrki til samstarfsverkefna á milli Íslands og hinna NORA-landanna, þ.e. Grænlands, Færeyja og Noregs.

Áhersla er lögð á verkefni sem stuðla að uppbyggingu í fámennum strandhéruðum, með samvinnu á sviði m.a. ferðaþjónustu, nýtingu auðlinda, rannsóknum og menntamálum.

- Sjá t.d. upplýsingar um NORA-ráðstefnuna 2006 sem fjallaði um skapandi lausnir í fámennum samfélögum á strandsvæðum, á slóðinni www.smartlabrador.ca/cscc

Einnig má sækja um styrki til verkefna sem falla undir eftirtalin svið:

Auðlindir sjávar

Verkefni sem stuðla á sjálfbæran hátt að nýtingu auðlinda sjávar, eldi sjávardýra og sjávarvöruframleiðslu til manneldis og tengdra greina.

Ferðamál

Verkefni sem stuðla að sjálfbærri þróun náttúru- og menningartengdrar ferðaþjónustu í löndunum.

Upplýsingatækni

Verkefni sem stuðla að hagnýtingu upplýsingatækni á svæðinu.

Annað samstarf

Verkefni sem efla fámenn byggðarlög í löndunum.

Styrkir NORA eru helst veittir fyrirtækjum, einum sér eða í samstarfi við rannsóknar- og þróunarstofnanir og eru veittir  til að koma á tengslanetum, til rannsóknatengdra forverkefna og aðalverkefna t.d. innan Norðurslóðaáætlunar ESB (NPP). Frá árinu 2007 styrkir NPP verkefni á sviði nýsköpunar og samkeppni, ásamt sjálfbærni náttúru- og samfélagsauðlinda. Umsóknir sem fela í sér samstarf við fyrirtæki og stofnanir í norðanverðu Skotlandi og á austurströnd Kanada eru eftirsóknarverðar.

Styrki er lengst unnt að veita til 3ja ára og aðeins sem hluti af heildarfjármögnun verkefnis, gegn mótframlagi viðkomandi aðila. Umsóknir skula fela í sér samstarf á milli a.m.k. tveggja NORA-landa.

Umsóknareyðublaðið má finna á heimasíðu NORA, http://www.nora.fo/ og útfyllist á dönsku, norsku eða sænsku og skilist í tölvutæku formi til:

NORA, NORDISK ATLANTSAMARBEJDE

Bryggjubakki 12 - Box 259  FO-110  Tórshavn - Sími: +298 353110  Fax: +298 353101  nora@nora.fo

Umsóknir skulu berast NORA í síðasta lagi 1. mars 2007.

Frekari upplýsingar veitir Sigríður K. Þorgrímsdóttir, Byggðastofnun, Ártorgi 1, 550 Sauðárkróki, sími

455 5400,  netfang sigga@byggdastofnun.is