Fréttir

Vegna fréttar sem birtist í Fréttablaðinu í gær, 22. maí undir fyrirsöginni „Öflug nettenging skilyrði lánveitingar“  vill Byggðastofnun taka fram að rangt er að stofnunin hafi sett slík skilyrði fyrir lánveitingu. 

Samkvæmt reglum laga um fjármálafyrirtæki hafa starfsmenn Byggðastofnunnar ekki heimild til að tjá sig um lánsbeiðnir sem henni berast, en á starfsmönnum hennar hvílir almenn skylda um að kanna forsendur rekstraráætlana þeirra sem sækja um lán til stofnunarinnar.  Netsambönd eru að sjálfsögðu eitt þeirra atriða sem geta skipt máli í því sambandi. 

Byggðastofnun er flestum betur kunnugt að víða er pottur brotinn á þessu sviði og mikilvægt er að nettengingar verði bættar og stefnt að því að allir landsmenn sitji þar við sama borð án tillits til búsetu.  Einmitt af þeirri ástæðu eru úrbætur á þessu sviði meðal mikilvægustu áherslna í nýsamþykktri byggðaáætlun fyrir árin 2014-2020.http://www.althingi.is/altext/143/s/1083.html