Fréttir

Valgerður Sverrisdóttir, iðnaðar- og viðskiptaráðherra, opnaði í dag nýja heimasíðu Byggðastofnunar á Sauðárkróki. Með nýrri heimasíðu stofnunarinnar er ætlunin að bæta upplýsingaflæði um starfsemi stofnunarinnar og þau verkefni sem hún vinnur að. Á síðunni er að finna eyðublöð vegna umsókna og styrkja, reiknilíkan vegna lána sem tekin eru hjá Byggðastofnun og einnig er ætlunin að á síðunni byggist upp rafrænn upplýsingabanki með skýrslum og öðrum gögnum sem snerta byggðamál og byggðaþróun á Íslandi.

 Valgerður Sverrisdóttir, iðnaðar- og viðskiptaráðherra, opnaði í dag nýja heimasíðu Byggðastofnunar á Sauðárkróki. Með nýrri heimasíðu stofnunarinnar er ætlunin að bæta upplýsingaflæði um starfsemi stofnunarinnar og þau verkefni sem hún vinnur að. Á síðunni er að finna eyðublöð vegna lána og styrkja, reiknilíkan fyrir lán sem veitt eru hjá Byggðastofnun og einnig er ætlunin að á síðunni byggist upp rafrænn upplýsingabanki með skýrslum og öðrum gögnum sem snerta byggðamál og byggðaþróun á Íslandi.

Eitt af meginhlutverkum Byggðastofnunar er að framfylgja þeirri byggðaáætlun sem Alþingi hefur samþykkt og í núgildandi byggðaáætlun eru mótuð 22 aðgerðaverkefni sem ætlunin er að vinna að á gildistíma áætlunarinnar. Á síðu Byggðastofnunar er gerð grein fyrir verkefnunum og verða birtar fréttir af framgangi þeirra þannig að í raun má segja að almenningur geti á komandi árum fylgst á beinan hátt með framvindu einstakra verkefna byggðaáætlunar. Þetta er nýmæli frá því sem verið hefur.

Á meðfylgjandi mynd eru Valgerður Sverrisdóttir og Aðalsteinn Þorsteinsson, forstjóri Byggðastofnunar, glaðbeitt við opnun nýju heimasíðunnar í morgun.

Umsjón með gerð heimasíðunnar hafði Athygli ehf. á Akureyri.