Fréttir

Mikil aukning hefur verið í lánsbeiðnum til stofnunarinnar síðustu ár eftir erfiða tíma í kjölfar fjármálahrunsins 2008.  Heildarupphæð lánsumsókna 2016 var um 4 milljarðar samanborið við 4,4 milljarða 2015 og 3,3 milljarða 2014. Samþykktar voru 70 umsóknir en 28 var synjað.

Lánasafn stofnunarinnar telur nú rúma 11 ma.kr. og skiptist nokkuð jafnt á milli landshluta, en ferðaþjónusta og landbúnaður eru fyrirferðamestu greinarnar eða um 26% hvor fyrir sig.

Árin 2014 & 2015 samþykkti stjórn Byggðastofnunar tvær nýjar tegundir lána.  Annars vegar lán vegna jarðakaupa eða kynslóðaskipta í landbúnaði, en þau lán eru með 5% verðtryggðum vöxtum til allt að 25 ára og möguleika á að greiða einungis vexti fyrstu 3 árin. Lánaflokkurinn var svo útvíkkaður árið 2016 og nær nú einnig til fjármögnunar endurbóta og /eða uppbygginga á húsakosti í landbúnaði.  Hins vegar lán til stuðnings fyrirtækjareksturs kvenna, en þau geta verið allt að 10 mkr. í hvert verkefni og til 10 ára.  Vaxtakjör eru verðtryggð þau sömu og af lánum til landbúnaðar eða 2% álag á REIBOR í óverðtryggðu. 

Á síðasta stjórnarfundi Byggðastofnunar, þann 17. febrúar 2017, var svo samþykktur nýr lánaflokkur vegna nýsköpunar.  Lánin eru sérsniðin að nýsköpunarverkefnum varðandi afborganaferli, lengd og tryggingar.  Nánari upplýsingar um lánaflokkinn koma á heimasíðuna á næstunni.

Hér má nálgast skýrslu um lánasafn Byggðastofnunar í árslok 2016.