Fréttir

66 umsóknir bárust um flutningsjöfnunarstyrki

Alls bárust 66 umsóknir um flutningsjöfnunarstyrki vegna flutningskostnaðar fyrir árið 2012, en sótt er um eitt almanaksár í senn. Búið er að afgreiða 44 umsóknir og hafa 138 m.kr. verið greiddar út. Aðrar umsóknir eru í vinnslu en stefnt er að því að ljúka afgreiðslu á þeim nú í júlí.

Markmið laga nr. 160/2011, um svæðisbundna flutningsjöfnun, er að styðja við framleiðsluiðnað og atvinnuuppbyggingu á landsbyggðinni með því að jafna flutningskostnað framleiðenda sem eru með framleiðslu og lögheimili fjarri innanlandsmarkaði eða útflutningshöfn. Lögin öðluðust gildi 1. janúar 2012 og falla úr gildi 31. desember 2013 en endurskoða skal ákvæði laganna innan árs frá gildistöku.

Umsjónaaðli hjá Byggðastofnun er Anna Lea Gestsdóttir.