Fréttir

Byggðastofnun óskar eftir tilboðum í framkvæmd kannana á þjónustusókn á Vesturlandi, Vestfjörðum, Norðurlandi eystra, Austurlandi, Suðurlandi og Suðurnesjum.

Í könnunum skal leitað svara við því hvert og hversu oft íbúar sækja sér mismunandi þjónustu. Miðað er við að hægt sé að greina mismun á þjónustusókn innan landshlutanna og því er gert ráð fyrir að lagskipta úrtaki eftir svæðum í því skyni.

Verkið er nánar skilgreint í útboðsgögnum.

Framkvæmd og greiningu skal vera lokið fyrir 1. október 2017.

Útboðsgögn verða afhent hjá Byggðastofnun, Ártorgi 1, 550 Sauðárkróki eða send þeim í tölvupósti sem þess óska, frá og með fimmtudeginum 9. mars nk.

Nánari upplýsingar veitir Sigríður Elín Þórðardóttir, sigridur@byggdastofnun.is. Öllum fyrirspurnum verður svarað skriflega.

Tilboðum skal skila á sama stað eigi síðar en mánudaginn 20. mars kl 14:00, merkt „þjónustukönnun“ og verða þau þá opnuð að viðstöddum þeim bjóðendum sem þess óska.