Fréttir

Upphafsfundur fyrir mótun stefnumótandi byggðaáætlunar 2014-2017 verður haldinn 9. apríl nk. á Hótel Natura við Nauthólsveg í Reykjavík. Vænst er þátttöku frá ráðuneytum, stofnunum, landshlutasamtökum sveitarfélaga og atvinnuþróunarfélögum því í framhaldi af fundinum munu starfsmenn Byggðastofnunar funda með einstökum landshlutasamtökum og einstökum ráðuneytum. Steingrímur J. Sigfússon, ráðherra atvinnu- og nýsköpunar, mun ávarpa fundinn auk framsögumanna sem verða fulltrúar ráðuneyta og samtaka sveitarfélaga, atvinnulífs og alþýðu. Þeir munu lýsa viðhorfum til stefnumarkandi byggðaáætlunar við breyttar aðstæður og breytta samskiptahætti sveitarfélaga og ráðuneyta. Fundurinn hefst klukkan 10:00 og stendur til kl. 15:00. Dagskrárdrög má sjá hér og hægt er að skrá þátttöku hér fram til 6. apríl. Þátttakan er ókeypis.

Atvinnuvega- og nýsköpunarráðuneytið hefur óskað eftir því að Byggðastofnun hefji undirbúning að gerð stefnumótandi byggðaáætlunar 2014-2017 þannig að drög megi leggja fram í september nk. Upphafsfundurinn er fyrsta skref á þeirri vegferð.