Fréttir

Byggðastofnun óskar eftir tilboðum í framkvæmd könnunar á þjónustusókn á Norðurlandi vestra.

Kanna á þjónustu­sókn á Norðurlandi vestra og nota þá könnun og þá reynslu sem fæst sem fyrirmynd fyrir verklag við sambærilegar kannanir í öðrum landshlutum.

Verkið er nánar skilgreint í útboðsgögnum.

Í könnuninni skal leitað svara við því hvert og hversu oft íbúar Norðurlands vestra sækja sér mismunandi þjónustu. Miðað er við að hægt sé að greina mismun á þjónustusókn innan landshlutans og því er gert ráð fyrir að lagskipta úrtaki eftir svæðum í því skyni.

Framkvæmd og greiningu könnunarinnar skal vera lokið fyrir 30. september 2015.

Útboðsgögn verða afhent hjá Byggðastofnun, Ártorgi 1, 550 Sauðárkróki eða send þeim í tölvupósti sem þess óska, frá og með mánudeginum 1. júní næst komandi. Nánari upplýsingar veitir Sigríður Elín Þórðardóttir, netfang sigridur@byggdastofnun.is öllum fyrirspurnum verður svarað skriflega.

Tilboðum skal skila á sama stað eigi síðar en mánudaginn 15. júní 2015 kl 14:00, merkt „þjónustukönnun“, og verða þau þá opnuð að viðstöddum þeim bjóðendum sem þess óska.