Fréttir

Opnað verður fyrir umsóknir vegna flutninga ársins 2016 þann 1. mars 2017. Umsóknafrestur verður til 31. mars 2017. Athugið að um lögbundinn lokafrest er að ræða, ekki er tekið við umsóknum sem berast eftir þann tíma. 

Byggðastofnun sér um móttöku og yfirferð styrkumsókna skv. lögum nr. 160/2011 um svæðisbundna flutningsjöfnun. Árið 2016 bárust 65 umsóknir um flutningsjöfnunarstyrk vegna flutningskostnaðar á árinu 2015 og voru 62 umsóknir samþykktar að fjárhæð 143,6 milljónir króna. Þetta var í fjórða skiptið sem styrkirnir voru veittir.

Markmið styrkjanna er að styðja við framleiðsluiðnað og atvinnuuppbyggingu á landsbyggðinni með því að jafna flutningskostnað framleiðenda sem eru með framleiðslu og lögheimili fjarri innanlandsmarkaði eða útflutningshöfn og búa við skerta samkeppnisstöðu vegna hærri flutningskostnaðar en framleiðendur staðsettir nær markaði.

Upplýsingar um styrkina má finna hér.

Umsjónarmaður verkefnisins er Hrund Pétursdóttir, netfang: hrund@byggdastofnun.is