Fréttir

Þann 1. mars nk. verður opnað fyrir styrkumsóknir vegna svæðisbundinnar flutningsjöfnunar. Lögbundinn lokafrestur vegna umsókna fyrir árið 2018 er 31. mars 2019 og er ekki tekið við umsóknum eftir þann tíma.

Nýverið hafa orðið breytingar á lögum nr. 160/2011 um svæðisbundna flutningsjöfnun. Hér má nefna helstu breytingar sem hafa orðið:

• Lágmarksvegalengd hefur verið færð niður í 150 km (var áður 245 km).
• Einstaklingar eða lögaðilar sem framleiða með ræktun ávexti, blóm eða grænmeti og fullvinna framleiðslu sína í söluhæfar umbúðir enda falli framleiðslan undir flokk 01.1, ræktun nytjajurta annarra en fjölærra, og/eða flokk 01.2, ræktun fjölærra nytjajurta, í A-bálki íslensku atvinnugreinaflokkunarinnar ÍSAT2008 geta nú einnig sótt um styrk.
• Styrkirnir verða nú greiddir samtímis til allra umsækjenda en ekki jafnóðum eins og verið hefur. Skv. 4 mgr. 6. gr. laga um svæðisbundna flutningsjöfnun kemur fram að fjárheimild ársins, að frádregnum kostnaði við vinnslu umsókna, verði fullnýtt.

Mikilvægt er að umsóknir og gögn sem þeim fylgja séu vel unnar.

Nánari upplýsingar um styrkina má finna hér.