Fréttir

Byggðastofnun auglýsir styrki til meistaranema sem vinna að lokaverkefnum á sviði byggðaþróunar. Kostur er ef verkefnin hafa skírskotun til byggðaáætlunar. Til úthlutunar er allt að 1.000.000 kr. og stefnt að því að veita fjóra styrki.

Umsækjendur þurfa að stunda meistaranám við viðurkenndan háskóla. Í umsókn skal meðal annars koma fram greinargóð lýsing á verkefninu, markmiðum þess og hvernig það styður við byggðaþróun.  Við mat á umsóknum verður fyrst og fremst litið til tengsla við byggðaþróun, nýnæmi verkefnis og hvort til staðar séu möguleikar á hagnýtingu þess.

Þetta er í sjötta skipti sem Byggðastofnun veitir styrki til meistaranema. Alls hafa 17 verkefni verið styrkt á árunum 2015-2019. Síðustu þrjú ár hafa eftirfarandi verkefni hlotið styrk:

• Upplifun ungmenna í jaðarbyggð af eigin námsgetu og starfsumhverfi. Styrkþegi: Ásdís Ýr Arnardóttir, Háskólanum á Akureyri.
• Strategy planning for local icecream manufacturing. Styrkþegi: Helgi Eyleifur Þorvaldsson, Berlin School of Economics and Law.
• Self-esteem and its impact among Eastern European women living in Northern Iceland. Styrkþegi: Aija Burdikova, Háskólanum á Akureyri.
• Arabic women in Akureyri. Styrkþegi: Fayrouz Nouh, Háskólanum á Akureyri.
• Putting the eggs in a different baskets: Investigating potential additional application of Icelandic Lumpfish roe. Styrkþegi: John Hollis Burrows, Háskólasetri Vestfjarða.
• Icelandic educational system from the perspective of Syrian refugee students and parents. Styrkþegi: Kheirie El Hariri, Háskólanum á Akureyri.
• Innleiðing náttúrutengdrar endurhæfingar í starfsendurhæfingu. Styrkþegi: Harpa Lind Kristjánsdóttir, Háskólanum á Akureyri.
• Að takast á við langvinnan sjúkdóm fjarri sérfræðiþjónustu: upplifun einstaklinga með kransæðasjúkdóm. Styrkþegi: Þórunn Björg Jóhannsdóttir, Háskólanum á Akureyri.
• Reynsla fólks af landsbyggðinni af krabbameinsmeðferð fjarri heimabyggð. Styrkþegi: Halldóra Egilsdóttir, Háskóla Íslands.
• Heimavinnsla landbúnaðarafurða – framtíðarhorfur.  Styrkþegi: Elfa Björk Sævarsdóttir, Háskóla Íslands.

Rafrænt umsóknarform.

Verklagsreglur vegna úthlutunar styrkja til meistaranema.

Byggðaáætlun 2018-2024.

Nánari upplýsingar veitir Sigríður K. Þorgrímsdóttir.

Netfang: sigga@byggdastofnun.is. Sími 455 5461 og 869 7203.

Umsóknarfrestur er til miðnættis þriðjudaginn 5. nóvember 2019.