Fréttir

Styrkir sem Byggðastofnun veitti í mars sl. til markaðssetningar á handverki og hönnunarvörum eru nú þegar farnir að skila árangri. Markmið með styrkveitingunni var að styðja við undirbúning og framkvæmd markaðsaðgerða erlendis á handverki og hönnunarvörum. Styrkjunum var ætlað að skapa aukin verðmæti og ný markaðstækifæri og eru liður í framkvæmd á aðgerð í Byggðaáætlun um stuðning við atvinnurekstur kvenna.

Styrkirnir eru nú þegar farnir að skila árangri en meðal þeirra sem fengu styrk er frumkvöðlafyrirtækið Handlers ehf. sem framleiðir sérhannaða sýningartauma fyrir hunda. Styrkurinn var m.a. nýttur til að taka þátt í sýningunni World Dog Show í Herning í Danmörku í júní á þessu ári. Sýningin tókst vonum framar og er fyrirtækið nú með átta umboðsmenn erlendis. Styrkurinn hefur skipt sköpum fyrir framgöngu og uppbyggingu fyrirtækisins á útflutningi á sýningartaumum fyrir hunda á erlendis.

Nánari upplýsingar má fá á heimasíðu Handlers.

Hafa má samband við fyrirtækið á netföngin topdog@originalhandlers.com eða bjarndis@originalhandlers.com