Fréttir

Skýrslan Hagvöxtur landshluta 2012-2017 er komin út. Skýrslan er unnin af Dr. Sigurði Jóhannessyni hjá Hagfræðistofnun Háskóla Íslands í samvinnu við þróunarsvið Byggðastofnunar.

Framleiðsla jókst að meðaltali um tæp 5% á ári frá 2012 til 2017.Litlu munaði á vexti á höfuðborgarsvæðinu og utan þess, en töluverður munur var á einstökum landshlutum. Suðurnes standa langt upp úr, en þar jókst framleiðsla að meðaltali um rúm 10% á ári frá 2012 til 2017. Meginskýringin á hröðum hagvexti þar er straumur ferðamanna hingað til lands, en á árunum 2012 til 2017 fjölgaði útlendingum sem fóru um Keflavíkurflugvöll úr tæplega 650 þúsundum í 2,2 milljónir.

Í skýrslunni er einnig komið inn á búferlaflutninga milli landshluta eftir ríkifangi og þróun hagvaxtar í einstökum landshlutum. 

Skýrsluna í heild má nálgast hér.