Fréttir

Frá Kirkjubæjarklaustri

Fimmtudagskvöldið 6. febrúar, verður haldinn opinn íbúafundur á Kirkjubæjarklaustri til að fylgja eftir íbúaþinginu sem haldið var í október.  Fundurinn er hluti af verkefninu „Skaftárhreppur til framtíðar“, á vegum Byggðastofnunar, Skaftárhrepps, SASS, Háskólans á Akureyri og íbúa Skaftárhrepps.

Á fundinum verður greint frá hvernig verkefnisstjórn hyggst fylgja skilaboðum íbúaþingsins eftir, hvaða hugmyndir munu koma til framkvæmda og hvernig helstu áherslum verður komið á framfæri við þingmenn, stofnanir og ríkisstjórn.   Í lok þingsins skráðu íbúar sig á málaflokka og hafa verið að vinna að einhverjum málum.  Spurt verður frétta af slíkum verkefnum á fundinum.

Fundurinn byggir að mestu á kynningum, en tími verður fyrir fyrirspurnir og umræður í lok fundar.

Skaftárhreppur býður upp á kaffi og kleinur.

Fundurinn verður haldinn í Kirkjuhvoli og hefst kl. 20.