Fréttir

Kristján og James Stockan undirrita samkomulagið

Orkneyjaráðið (Orkney Islands Council, OIC) og NORA skrifuðu nýverið undir samkomulag um samstarf (Memorandum of Understanding). Samkomulagið var undirritað í Kirkwall af James Stockan leiðtoga OIC og formanni NORA, Kristjáni Þ. Halldórssyni.

NORA stefnir að þéttara samstarfi á vettvangi sem er mikilvægur fyrir þróun á starfssvæði NORA. Stefnumálin snerta m.a. framlag til aukinnar fjölbreytni í atvinnulífi með nýjum og nýskapandi aðferðum eða grænni, samkeppnishæfri og félagslega sjálfbærri þróun á Norður-Atlantshafssvæðinu í þeim málaflokkum sem eru í forgangi. Enn fremur að auka samstarf við nágrannana í vestri, sérstaklega Skotland.

Orkneyjar hafa áður tekið þátt í NORA-verkefnum, en hið nýja samkomulag mun gera samstarfið auðveldara og markvissara. Samkomulagið þýðir að nú geta aðilar á Orkneyjum sótt um styrki heima fyrir til að standa straum af kostnaði vegna þátttöku í NORA-verkefnum í samstarfi við aðila frá NORA svæðinu.

Þess utan eru Orkneyingar og NORA sammála um að starfa saman að þróun og möguleikum í samhengi við stefnumótandi verkefni sem hafa að markmiði að styrkja svæði og samfélög á Norður-Atlantshafssvæðinu.