Fréttir

Opnað hefur verið fyrir umsóknir um framlög til verkefna á sviði almenningssamgangna. Framlögin eru veitt á grundvelli stefnumótandi byggðaáætlunar fyrir árin 2022-2036 vegna verkefna sem tengjast aðgerð A.10 Almenningssamgöngur milli byggða. Markmiðið er að styðja við áframhaldandi þróun almenningssamgangna milli byggða, m.a. til að tengja ýmsa sérakstursþjónustu við almenningssamgöngur. Til ráðstöfunar verða allt að 20 milljónir kr. Umsóknarfrestur er til miðnættis miðvikudaginn 26. apríl 2023.

Í forgangi verða verkefni sem styðja við þróun leiðarkerfis, m.a. með samþættingu við aðra þjónustu eða breytingum á rekstrarformi.

Veitt verða framlög til verkefna:

• Sem nýtast einstökum svæðum, s.s. atvinnu- og þjónustusóknarsvæði.
• Sem nýtast landshlutanum í heild.
• Sem nýtast landinu öllu.

Við forgangsröðun umsókna verður litið til verkefna sem styðja við eftirtalin atriði:

• Ferðumst saman. Heildarstefnu í almennings­samgöngum milli byggða.
• Byggðasjónarmið og áherslur sem fram koma í stefnumótandi byggðaáætlun.
• Önnur atriði sem skipta máli við mat á aðstæðum viðkomandi svæðis eða landshluta.

Þriggja manna valnefnd gerir tillögur til ráðherra um veitingu framlaga til verkefna á grundvelli úthlutunarskilmála. Áætlað er að niðurstöður ráðherra liggi fyrir í júní 2023.

Byggðastofnun annast fyrir hönd ráðuneytisins samningsgerð við styrkþega, umsýslu með greiðslum og eftirlit með framkvæmd verkefnis.

Fylgiskjöl:

• Auglýsing um framlög til verkefna á sviði almenningssamgangna
• Rafrænt umsóknareyðublað um framlög til verkefna á sviði almenningssamgangna
• Stefnumótandi byggðaáætlun fyrir árin 2022 til 2036
• Reglur um úthlutun innviðaráðherra á framlögum sem veitt eru á grundvelli stefnumótandi byggðaáætlunar fyrir árin 2022-2036
• Heildarstefna í almenningssamgöngum milli byggða