Fréttir

Haraldur Reinhardsson

Í lok apríl auglýsti Byggðastofnun eftir sérfræðingi til starfa hjá stofnuninni.  Alls bárust sjö umsóknir, fjórar frá konum og þrjár frá körlum. 

Nú hefur verið ákveðið að ráða Harald Reinhardsson í starfið. Haraldur er með BA próf frá Háskólanum á Akureyri í samfélags-og hagþróunarfræði,  Cand.Soc. próf frá Syddansk Universitet í Odense þar sem megin viðfangsefnin voru opinber stjórnsýsla og helstu áskoranir nútíma velferðarkerfa auk diplómanáms í opinberri stjórnsýslu með áherslu á stjórnsýslurétt, starfsumhverfi og stjórnun sveitarfélaga, stjórntæki hins opinbera og skipulag og stjórnun stofnana. Haraldur hefur m.a. reynslu af verkefnastjórnun og tölfræðigreiningum í byggðatengdum verkefnum. 

Haraldur mun hefja störf síðar í sumar en helstu verkefni hans verða greining fjárhagsupplýsinga fyrirtækja á markaði fyrir póstþjónustu, tölfræðigreiningar og byggðarannsóknir.

Við bjóðum Harald hjartanlega velkominn í fjölbreyttan starfsmannahóp Byggðastofnunar.