Fréttir

Merki NPP

Norðurslóðaáætlun (NPP) auglýsir eftir umsóknum um styrki til forverkefna sem leitt geta til aðalumsóknar í byrjun árs 2014 þegar ný Norðurslóðaáætlun fyrir árin 2014-2020 tekur gildi. 

Tilgangur forverkefna er að:

• stuðla að gerð sterkra aðalverkefna.
• stuðla að góðu jafnvægi á milli þátttakenda af svæðinu.
• stuðla að sameiginlegri verkefnisáætlun.

Lágmarks skilyrði er að tveir þátttakendur séu frá tveimur þátttökulöndum, að verkefnið falli að áherslum áætlunarinnar og að mótframlag til verkefnisins sé tryggt.

Umsóknareyðublað og nánari upplýsingar er að finna hér.

Áherslur Norðurslóðaáætlunarinnar eru:

Efling nýsköpunar og samkeppnishæfni svæða:

Sjálfbær þróun auðlinda náttúru og samfélags:

Til þess að forverkefni geti orðið aðalverkefni í nýrri áætlun þurfa þau einnig að falla að stefnumörkun EU2020 og eru forgangsatriðin;

• Vöxtur byggður á þekkingu; efling þekkingar og nýsköpunar, aukin fjárfesting í rannsóknum. Hér er m.a. um að ræða menntun yngri kynslóðarinnar og bætt upplýsingasamfélag.
• Sjálfbær vöxtur; loftslagsmál, græn orka, betri nýting orku og aukin samkeppnishæfni.
• Þátttaka allra; hærra menntunarstig, barátta gegn fátækt, sem og félagsleg samþætting.

Nánari upplýsingar er að finna hér.

Umsóknarfrestur er til 12. apríl næstkomandi. 

Umsókn skal senda rafrænt á netfangið applications@northernperiphery.eu einnig skal senda undirritaða umsókn og eitt ljósritað eintak til:

Northern Periphery Programme Secretariat
Strandgade 91, 4. sal
DK - 1401
Copenhagen
Denmark

Nánari upplýsingar veitir tengiliður NPP á Íslandi Sigríður Elín Þóðardóttir á netfanginu sigridur@byggdastofnun.is eða í síma 455-5400 .