Fréttir

Norðurslóðaáætlunin (NPA) er samstarfsverkefni Finnlands, Svíþjóðar, Skotlands, Írlands, Norður-Írlands, Íslands, Grænlands, Færeyja og Noregs. Markmið NPA er að aðstoða íbúa á norðurslóðum við að skapa þróttmikil og samkeppnishæf samfélög með sjálfbærni að leiðarljósi.

Ástæða tilkynningarinnar núna er til að veita væntanlegum umsóknaraðilum rúman tíma til að þróa verkefnahugmyndir sínar, finna samstarfsaðila og tryggja mótframlög. Óskað er eftir styrkumsóknum sem falla að eftirfarandi áherslusviðum:

1. Nýsköpun.
   1. 1.1 Yfirfærsla nýrrar tækni og þekkingar.
   2. 1.2 Nýsköpun í opinberri þjónustu.
2. Frumkvöðlastarfsemi.
   1. 2.1 Efla stoðkerfi lítilla og meðalstórra fyrirtækja.
   2. 2.2 Stækkun markaða.
3. Endurnýjanlegir orkugjafar og orkusparnaður.
   1. 3.1 Aukin notkun orkusparandi úrræða og endurnýjanlegrar orku.
4. Náttúru- og menningarleg arfleið og verndun auðlinda.
   1. 4.1 Efla sjálfbæra umhverfisstjórnun.

Umsóknarfrestur er til 28 febrúar 2018.  

Heildarstærð verkefna er 2 milljónir evra. Hámarksstyrkur er 60% og mótframlag er 40%, en styrkir til  fyrirtækja eru háðir 50% mótframlagi. Umsóknaraðilar verða að lágmarki að vera þrír frá þremur samstarfslöndum og a.m.k. einn þarf að vera frá ESB landi, þ.e. Finnlandi, Svíþjóð, Skotlandi, Írlandi eða Norður-Írlandi. 

Umsóknaraðilar geta verið opinberar stofnanir, sveitarfélög, landshlutasamtök rannsóknarstofnanir, menntastofnanir, atvinnuþróunarfélög, frjáls félagasamtök, félagsleg fyrirtæki og lítil og meðalstór fyrirtæki. Fyrirtæki getur verið þátttakandi í verkefnum á áherslusviðum 1., 2. og 3. og samstarfsaðilar í verkefnum á áherslusviði 4.

Mikilvægt er að verkefni skili af sér afurð, vöru og/eða þjónustu sem eflir atvinnulíf, sjálfbæra þróun í samfélögum og/eða eykur öryggi íbúa á norðurslóðum.

Upplýsingar um markmið, áherslur og árangursmælikvarða er að finna hér. 

How to Apply Seminar verða haldin í Kaupmannahöfn 23. nóvember 2017 og 11. janúar 2018. 

Nánari upplýsingar veitir tengiliður NPA á Íslandi, Sigríður Elín Þórðardóttir á Byggðastofnun, netfang sigridur@byggdastofnun.is og sími 455 5400.