Fréttir

Norðurslóðaáætlunin 2014-2020 styrkir verkefni á fjórum áherslusviðum:

1. Verkefni sem  stuðla að nýsköpun sem styrkir samkeppnishæfni samfélaga.
2. Verkni sem  efla frumkvöðlastarfsemi og nýta þá mögleika sem felast í styrkleikum og samkeppnisforskoti áætlunarsvæðisins.
3. Verkefni sem hlúa að orkuöryggi með því að hvetja til orkusparnaðar og notkun  endurnýjanlegrar orku.
4. Verkefni sem vernda, þróa og koma á framfæri menningarlegri og náttúrulegri arfleið.

Hámarksstærð verkefna er 2 milljónir evra og er styrkur er háður a.m.k. 40% mótframlagi umsóknaraðila, en styrkur til fyrirtækja er háður 50% mótframlagi.  Mikilvægt er að verkefnin skili af sér afurð, vöru og/eða þjónustu sem er til þess fallin að bæta atvinnulíf, búsetu og/eða auka öryggi íbúa á norðurslóðum.

Þátttakendur geta m.a. verið fyrirtæki, sveitarfélög, ríkistofnanir, atvinnuþróunarfélög, mennta- og rannsóknarstofnanir og frjáls félagasamtök.

Þátttakendur verða að vera a.m.k. þrír og þar af einn frá Evrópusambandslandi. Samstarfslöndin auk Íslands eru Finnland, Svíþjóð, Skotland, Írland, Norður-Írland, Noregur, Grænland og Færeyjar.

Frestur til að skila umsóknum er til 24. nóvember 2014.

Nánari upplýsingar um áherslur, umsóknareyðublöð og leiðbeiningar eru að finna á heimasíðu Norðurslóðaáætlunarinnar www.interreg-npa.eu

Nánari upplýsingar veitir tengiliður áætlunar Sigríður Elín Þórðardóttir í síma 4555400 eða með tölvupósti sigridur@byggdastofnun.is

Tengiliður veitir ráðgjöf og upplýsingar og aðstoðar við að finna samstarfsaðila á Íslandi og í samstarfslöndunum.