Fréttir

Á stjórnarfundi NPA 9. júní sl.var samþykkt að styrkja sex ný verkefni. Samtals var úthlutað um 6,8 milljónum evra, þar af eru tvö verkefni með íslenskum þátttakendum sem fá um 2,3 milljónir evra.  

Verkefnin tvö með íslenskum þátttakendum eru:

• Recruit and Retain 2: Making it Work sem er samstarfsverkefni Skotlands, Svíþjóðar, Kanada, Noregs og Íslands. Tilgangur verkefnisins er m.a. að leita lausna á viðvarandi erfiðleikum sem felast í því að ráða og halda í gott heilbrigðisstarfsfólk í dreifbýli. Íslenski þátttakandinn er Fjörðungsjúkrahúsið á Akureyri. Styrkur til verkefnisins er 1.248.393 evrur.  Heildarkostnaður verkefnisins er um 2 milljónir evra.
• Cenerating Renewable Energy Business Enterprise sem ersamstarfsverkefni Írlands, Norður-Írlands, Finnlands, Noregs og Íslands um áskoranir og tækifæri í sjálfbærri orkuframleiðslu á norðlægum svæðum þar sem aðstæður geta verið erfiðar.  Verkefnið mun standa að og styðja við þróunarverkefni og klasamyndun lítilla og meðalstórra fyrirtæki innan orkugeirans.  Íslenski þátttakandinn er Nýsköpunarmiðstöð Íslands. Styrkur til verkefnisins er 1.079.174 evrur. Heildarkostnaður verkefnisins er um 1.8 milljón evra.

Nánari upplýsingar um verkefnin sem voru samþykkt 9. júní sl.er að finna hér.

Þeir sem ætla að senda inn umsókn er bent á að hafa samband við Sigríði Elínu Þórðardóttur á netfangið sigridur@byggdastofnun.is  eða í síma 455 5400.  Ítarlegar upplýsingar um Norðurslóðaáætlunina og umsóknareyðublöð er að finna á www.interreg-npa.eu