Fréttir

NPA er samstarfsáætlun Finnlands, Svíþjóðar, Skotlands, Írlands, Norður-Írlands, Íslands, Grænlands, Færeyja og Noregs. Markmið NPA er að aðstoða íbúa á norðurslóðum við að skapa þróttmikil og samkeppnishæf samfélög með sjálfbærni að leiðarljósi.

1.      Óskað er eftir umsóknum á tveimur áherslusviðum:

2.2 Stækkun markaða með áherslu verkefni sem stuðla að:

• Aðgerðum/lausnum sem gagnast litlum og meðalstórum fyrirtækjum á dreifbýlum svæðum við að stækka markaðsvæði sitt
• Klasa- og tengslamyndun lítilla og meðalstórra fyrirtæka til að takast á við stærri og fjölbreyttari verkefni
• Yfirfærslu þekkingar og tækni sem gagnast litlum og meðalstórum fyrirtækjum við að stækka markaðssvæði sitt

Sérstaklega er hvatt til samstarfsverkefna með áherslu á bláa hagkerfið, græna hagkerfið og norðurslóðir. Stefnt er að styrkja þrjú samstarfsverkefni með áherslu á stækkun markaða.

4. Sjálfbær umhverfisstjórnun með áherslu á verkefni sem stuðlar að:

• Aukinni samvinnu og samhæfingu milli landa og opinberra aðila við þróun aðgerða og hugmynda um sjálfbæra umhverfisstjórnun sem jafnframt tekur mið af félags- og efnahagslegum þáttum

Stefnt er að því að styrkja eitt samstarfsverkefni með áherslu á sjálfbæra umhverfisstjórnun.

Nánari upplýsingar um áherslur, forgangsverkefni og umsóknarkerfi er að finna hér. 

Hámarksstærð verkefna er ein milljón evra. Hámarksstyrkur til íslenskra aðila er 60% og mótframlag er 40%, en styrkir til fyrirtækja eru háðir 50% mótframlagi. Verkefnistími er tvö ár en að auki eru þrír mánuðir sem ætlaðir eru til ganga frá lokaskýrslu og uppgjöri. Skilyrði er að þátttaka sé frá a.m.k. þremur löndum og þar af frá einu ESB landi. Íslenskir aðilar sem hyggjast taka þátt í verkefnaumsókn/um eru hvattir til að hafa samband við landstengilið.

Umsóknarfrestur er til 30. september 2019 til klukkan 23:59 á Kaupmannahafnartíma.

Umsækjendur eru hvattir til að kynna sér áherslur og markmið NPA sem er að finna hér. 

How to Apply Seminar verður haldið í Umeå í Svíþjóð 29. ágúst, frekari upplýsingar og skráning hér.

Nánari upplýsingar og ráðgjöf má fá hjá landstengiliði sem er: Sigríður Elín Þórðardóttir, netfang sigridur@byggdastofnun.is og sími 455 5400.