Fréttir

Í tengslum við komandi umsóknarlotu stendur NORA fyrir tveimur kynningarfundum um verkefnastyrki. Báðir fundirnir fara fram mánudaginn 10. febrúar 2025, annar þeirra á skandinavísku og hinn á ensku. Fundirnir eru hugsaðir fyrir mögulega umsækjendur um styrki.

Ef þú hefur góða hugmynd og þekkir einhvern í öðru NORA landi sem gæti verið samstarfsaðili, þá gæti þetta verið vettvangur til að heyra um tækifæri til að sækja stuðning fyrir samstarfsverkefni í Norður-Atlantshafi.

Á fundunum er veitt fræðsla um NORA-styrkina og gefnar leiðbeiningar um hvernig standa á að gerð umsóknar. Það verður gott svigrúm til að spyrja spurninga. Engin skráning fyrirfram á fundinn, bara mæta. Öll velkomin.

Hér eru slóðir á kynningarfundina ásamt tímasetningu:

Skandinavíska: mánudagur 10. febrúar kl. 12:00 

Enska: mánudagur 10. febrúar kl. 13:00

Þá má benda á að næsti umsóknarfrestur í NORA verður mánudaginn 3. mars 2025 n.k. Á heimasíðu NORA, www.nora.fo eru ítarlegar upplýsingar um umsóknarferlið og kynningarfundina.

Nánari upplýsingar veitir tengiliður NORA, Hanna Dóra Björnsdóttir hjá Byggðastofnun, netfang: hannadora@byggdastofnun.is