Fréttir

Lokaráðstefna ERASMUS+ verkefnisins INTERFACE, Innovation and Entrepreneurship for Fragile Communities in Europe, sem þýða mætti sem„Nýsköpun og frumkvöðlastarf í brothættum byggðarlögum í Evrópu“ verður haldinn í Ljósheimum í Skagafirði, fimmtudaginn 20. júní, kl. 12:00 – 16:40.

Ráðstefnan hefst á léttum hádegisverði og einnig verða kaffiveitingar í boði.

Farið verður yfir niðurstöður er varða þátttökubyggðarlögin á Íslandi, Búlgaríu, Grikklandi, Ítalíu og Írlandi og starfið framundan. Á ráðstefnunni verða m.a. eftirfarandi erindi:

• Yfirlit yfir INTERFACE verkefnið: helstu atriði sem draga má lærdóm af í verkefninu, samskiptavefur o.fl.
• Kynning á verkefninu í þáttökulöndunum
• Verkefnisstjóri í Brothættum byggðum og þátttakandi í INTERFACE verkefninu segja frá sínu starfi
• Pallborðsumræður um helstu áskoranir og mögulegar leiðir til að nýta INTERFACE verkefnið til valdeflingar brothættra byggðarlaga í Evrópu.

Við hlökkum til að sjá ykkur sem flest til að ræða sameiginlegt hagsmunamál íbúa í byggðarlögum sem eiga undir högg að sækja.

Nánari upplýsingar um verkefnið má sjá hér: https://interface-project.eu/

Ráðstefnunni verður streymt á Facebook síðu Byggðastofnunar.