Fréttir

Á fundi stjórnar Byggðastofnunar þann 6. desember 2013 var samþykkt að bjóða uppá sérstök lán til jarðakaupa til að greiða fyrir kynslóðaskiptum í landbúnaði. Lánin verða verðtryggð jafngreiðslulán til allt að 25 ára með 5% vöxtum. Möguleiki er á að semja um að aðeins verði greiddir vextir fyrstu 3 árin. Skilyrði fyrir slíku láni er að á viðkomandi jörð sé stundaður búskapur í atvinnuskyni og að á jörðinni sé föst búseta.

Ekki er lánað vegna viðskipta einkahlutafélags og eigenda þess, eða vegna innbyrðis viðskipta hjóna eða sambýlisfólks. Að öðru leyti gilda um þessi lán almennar lánareglur Byggðastofnunar.

Nánari upplýsingar veitir Elín Gróa Karlsdóttir forstöðumaður fyrirtækjasviðs Byggðastofnunar, elin@byggdastofnun.is eða í síma 455 5400.