Fréttir

Norðurslóðaáætlun (NPA) auglýsir eftir umsóknum um styrki til forverkefna sem leitt geta til aðalumsóknar þegar ný Norðurslóðaáætlun fyrir árin 2021-2027 tekur gildi. 

Núverandi áætlun er að ljúka og hefur það verið venja að nýta tækifærið undir lok áætlunarinnar til að fjármagna undirbúningsverkefni sem miða að því að þróa hugmyndir að verkefnum sem skila á við fyrsta umsóknarferli komandi áætlunar. Forverkefnunum er ætlað að brúa bilið milli fyrri áætlunar og þeirrar nýju, og þar með auðvelda umskipti milli NPA áætlunar 2014-2020 og áætlunar 2021-2027. 

Eins og í fyrri forverkefnum er meginmarkmiðið að byggja brú á milli áætlana og stuðla að gerð sterkra aðalverkefna, stuðla að góðu jafnvægi á milli þátttakenda af svæðinu ásamt því að stuðla að sameiginlegri verkefnisáætlun. Markmiðið er því að tengja þemu og áherslur fyrri áætlunar við þemu og áherslur þeirrar nýju. 

Veffundur til að kynna skilmála forverkefnisins er áætlaður þann 1. júlí 2021 kl. 11 að íslenskum tíma. Veffundurinn verður í beinni útsendingu á bæði Youtube og Facebook, þá verður hægt að taka beinan þátt í gegnum Zoom, sem skrefst skráningar.  

Hér má finna frekari upplýsingar.

Opið verður fyrir umsóknir frá 16. ágúst 2021 – 8. október 2021. Gert er ráð fyrir því að forverkefni séu til sex mánaða og hefjist í janúar 2022.