Fréttir

Íbúaþróun á Íslandi

Í nokkur ár hefur Byggðastofnun birt upplýsingar um íbúaþróun í sveitarfélögum landsins á myndrænann hátt á heimasíðu sinni.  Nú hefur tölum vegna ársins 2014 verið bætt inn og nú hægt að sjá íbúaþróun frá 1998-2014.

Íbúaþróun á landinu hefur verið með ákaflega mismunandi hætti á landinu undanfarin ár. Stóru línurnar eru þó að fólki hefur fjölgað mikið á höfuðborgarsvæðinu og í nágrenni þess. Nokkur stöðugleiki hefur verið í íbúaþróun á Akureyri og í allra næsta nágrenni og á mið-Austurlandi. Víðast hvar annars staðar hefur fólki fækkað, með undantekningum þó. Það er meðal hlutverka Byggðastofnunar að fylgjast með þessari þróun, enda ein af grunnforsendum varðandi gerð áætlana um þróun og styrkingu byggða á Íslandi. Sveitarfélög hafa sameinast til að valda betur verkefnum sínum og bæta þjónustu við íbúana og hefur þeim fækkað um 2/3, úr 229 árið 1950 í 74 sveitarfélög 1. janúar 2014. Hægt er að skoða á myndrænan hátt íbúaþróun áranna 1998-2014 eftir kyni, aldri, sveitarfélögum og landssvæðum (sóknaráætlanasvæðum) pr. 1. janúar ár hvert. Allar upplýsingar um íbúaþróun eru fengnar af vef Hagstofu Íslands.

Nánari upplýsingar veitir Sigurður Árnason, sérfræðingur á þróunarsviði sigurdur@byggdastofnun.is

Hér má nálgast íbúaþúaþróunina