Fréttir

Að loknum góðum fundi

Fulltrúar evrópska Fjárfestingasjóðsins (EIF) heimsóttu Byggðastofnun í seinustu viku til að ræða mögulega aðkomu stofnunarinnar að ábyrgðakerfinu InvestEU sem Ísland varð nýlega aðili að. 

Í árslok 2019 skrifaði Byggðastofnun undir samkomulag við EIF um aðild að COSME ábyrgðasamkomulaginu (Competetiveness of Enterprises and SMEs) sem gerði stofnuninni kleift að bjóða upp á m.a. lán til kynslóðaskipta í landbúnaði og lán til fiskvinnslu/útgerða í viðkvæmum sjávarbyggðum. Samstarf stofnunarinnar við EIF hefur gengið vonum framar og má áætla að um 200 störfum hafi verið viðhaldið og 100 ný störf hafi skapast í landsbyggðunum vegna aðkomu EIF.

Byggðastofnun hefur hug á áframhaldandi samstarfi við EIF og geta þannig boðið upp á lán til að styðja enn betur við atvinnulíf og grósku í íbúaþróun í landsbyggðunum. Samningaviðræður standa yfir og vonast er til að samkomulag náist með vorinu.