Fréttir

Byggðastofnun hefur í samstarfi við Hagfræðistofnun Háskóla Íslands  unnið tölur um hagvöxt í einstökum landshlutum.

16.1.2007

Byggðastofnun hefur í samstarfi við Hagfræðistofnun Háskóla Íslands  unnið tölur um hagvöxt í einstökum landshlutum. Mikilvægt er að áreiðanlegar upplýsingar séu til um hagþróun á einstökum svæðum á Íslandi, m.a. vegna stefnumótunar í byggðamálum og til að samanburður við aðrar þjóðir verði auðveldari.

Landshlutar

Svæði sem litið er til eru gömlu kjördæmin: Vesturland, Vestfirðir,  Norðurland vestra, Norðurland eystra, Austurland, Suðurland og Suðurnes með þeim breytingum að höfuðborgarsvæðið er eitt svæði, þ.e. Hafnarfjörður, Seltjarnarneskaupstaður, Garðabær, Sveitarfélagið Álftanes, Mosfellsbær, Kópavogur og Reykjavíkurborg.

Hagvöxtur á mann er mestur á höfuðborgarsvæðinu en einnig er mikill hagvöxtur á mann á Vesturlandi og Austurlandi. Nokkur fylgni er milli fjölgunar íbúa og hærri hagvaxtar á mann. Á þeim svæðum þar sem íbúum fækkar, á Vestfjörðum og Norðurlandi vestra, er hagvöxtur á mann lægstur. 

Skýrsla Byggðastofnunar og Hagfræðistofnunar Háskóla Íslands.