Fréttir

Skýrsla um Hagvöxt landshluta birtist nú fimmta sinn og að þessu sinni er fjallað um árin 2004-2009. Skýrslan er unnin af Dr. Sigurði Jóhannessyni hjá Hagfræðistofnun Háskóla Íslands og Sigurði Árnasyni á Þróunarsviði Byggðastofnunar. Í skýrslunni eru tölur fyrir árið 2008 reiknaðar eins og áður en tölur fyrir árið 2009 áætlaðar.

Þegar horft er á allt tímabilið frá 2004 – 2009 er svo að sjá sem hagvöxtur hafi verið nokkru meiri á landsbyggðinni en á höfuðborgarsvæðinu. Framleiðsla óx í öllum landshlutum á þessu tímabili. Mestur vöxtur mældist á Suðurnesjum og á Austurlandi, en minnstur á Norðurlandi og á Vestfjörðum.

Framleiðsla á mann jókst minnst á Norðurlandi og Suðurlandi á árunum 2004 – 2009, en langmest á Austurlandi. Annast staðar er vöxturinn svipaður, á bilinu 20 – 30%. Sjávarútvegur dregst saman á Norðurlandi og Austfjörðum en stóreykst á Suðurnesjum.

Nánari upplýsingar veitir Sigurður Árnason sigurdur@byggdastofnun.is eða í síma 455 5400

Skýrsluna í heild má lesa hér.