Fréttir

Fjármálaráðuneytið greiðir  til Byggðastofnunar eigin fjárframlag að fjárhæð 1.200 mkr.

Í samræmi við heimild í nýsamþykktum fjárlögum hefur fjármálaráðuneytið greitt til stofnunarinnar eigin fjárframlag að fjárhæð 1.200 mkr.  Samkvæmt lögum um fjármálafyrirtæki skal eiginfjárhlutfall stofnunarinnar ekki vera lægra en 8% af áhættugrunni hverju sinni, og var orðin brýn þörf á að styrkja efnahag stofnunarinnar.  Af hálfu ríkisstjórnar er þessi myndarlega aðgerð liður í mótvægisaðgerðum ríkisins vegna mikils samdráttar í þorskaflaheimildum, og gerir stofnunina betur í stakk búna til að koma til móts við þarfir fyrirtækja í sjávarútvegi á landsbyggðinni vegna þess tekjusamdráttar sem þau verða tímabundið fyrir við niðurskurð á veiðiheimildum.