Fréttir

Raufarhöfn

Talsverð gerjun er á Raufarhöfn þessa dagana, ári eftir að verkefni Byggðastofnunar í samstarfi við Norðurþing, Atvinnuþróunarfélag Þingeyinga og fleiri aðila um framtíð Raufarhafnar hófst. Hár styrkur fékkst nýverið til eflingar ferðaþjónustu á Raufarhöfn, Alþingi er að ræða möguleika á veitingu aflaheimilda til byggðarlaga í alvarlegum vanda og ýmsir aðilar skoða möguleika í sjávarútvegi og ferðaþjónustu á staðnum. Samfélagið í þorpinu hefur tekið við sér með stofnun íbúasamtaka og samtaka eldri borgara. Nánar má fræðast um þetta í fréttabréfi Kristjáns Þ. Halldórssonar, verkefnisstjóra Byggðastofnunar á Raufarhöfn sem nálgast má hér.