Fréttir

Arnar Már Elíasson

Fyrir skömmu var auglýst starf forstöðumanns fyrirtækjasviðs Byggðastofnunar.  Alls bárust 20 umsóknir og hefur Arnar Már Elíasson verið ráðinn í starfið.  Arnar Már hefur mikla reynslu af banka og útlánastarfsemi.  Hann er fæddur árið 1979 og hefur frá árinu 2009 starfað hjá Íslandsbanka og þar áður sem lánastjóri og fyrirtækjafulltrúi hjá SPRON frá árinu 2004.   Hann er með B.A gráðu í hagfræði frá Winthrop University í Bandaríkjunum.  Í starfi sínu hjá Íslandsbanka er hann viðskiptastjóri í útibúi bankans í Hafnarfirði. Þar veitir hann fyrirtækjasviði forstöðu auk þess að vera staðgengill útibússtjóra.   

Arnar Már mun hefja störf á Byggðastofnun í byrjun nóvember.  Arnar er giftur Aldísi Hilmarsdóttur aðstoðaryfirlögregluþjóni hjá lögreglunni á höfuðborgarsvæðinu og eiga þau tvo drengi, 7 og 9 ára.  Þau munu flytja á Sauðárkrók á næstu vikum.